टोफू की पनीर, आरोग्यासाठी अधिक फायदेशीर काय? जाणून घ्या फायदे-तोटे

टोफू आणि पनीर यांच्यामध्ये आरोग्यासाठी काय अधिक फायदेशीर आहे जाणून घेऊया. पनीर हे गाय, म्हैस अशा प्राण्यांच्या दुधापासून बनवले जाते. तर टोफू हे वनस्पतीच्या दुधापासून बनवले जाते. पनीरमध्ये टोफूच्या तुलनेत अधिक कॅलरी असतात. तर टोफूमध्ये हाडांच्या आरोग्यासाठी आवश्यक असणारे कॅल्शियम पनीरच्या तुलनेत जास्त असते. तसेच टोफूमध्ये पनीरच्या तुलनेत फायबर आणि पोटॅशियमचे प्रमाणही जास्त असते. लॅक्टोजची समस्या असणाऱ्यांसाठी टोफू हा एक उत्तम पर्याय आहे. टोफू आयसोफ्लाव्होन प्रदान करते, जे पनीरमध्ये नसतात. पनीरमध्ये असलेले उच्च चरबीयुक्त घटक हृदयविकार असलेल्या लोकांसाठी योग्य नाही. पनीरच्या तुलनेत टोफूमध्ये लोहाचे प्रमाण जास्त असते जे शरीरात ऑक्सिजनचे वहन करण्यास मदत करते. पनीरमध्ये कोलेस्टेरॉल असते तर टोफू कोलेस्टेरॉल-मुक्त असते. यामुळे टोफू हे पनीरपेक्षा अधिक आरोग्यदायी पर्याय ठरतो. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Freepik)