Back acne घालवण्याचे सोपे घरगुती उपाय! काय करावे, काय नको जाणून घ्या ‘या’ टिप्स….

1/9

Body acne home remedy tips : उन्हाळ्यात अनेकांच्या हातावर, मानेवर किंवा पाठीवर पुरळाचा उठते. अनेकदा ते वातावरणाशी संबंधीत असू शकते. परंतु काहींना कायम बाराही महीने, पाठीवर आणि खांद्यावर पुरळ उठलेले असते. यालाच आपण ‘बॉडी ऍक्ने’ म्हणतो. हे शक्यतो घाम, तेलकट त्वचा, पाठीवरील मृत त्वचा यामुळे येऊ शकते अशी माहिती इन्स्टाग्राम या सोशल मीडियावरील click4su नावाच्या अकाउंटने दिली आहे.[Photo credit – Freepik]

2/9

मात्र हे ऍक्ने घालवण्यासाठी काही अतिशय सोपे असे घरगुती उपाय आहेत. दैनंदिन जीवनातील काही सवयी बदलून, काही नवीन सवयी लावूनही समस्या कमी होण्यास मदत होऊ शकते. click4su ने बॉडी ऍक्ने कमी [Photo credit – Freepik]करण्यासाठी नेमके कोणते घरगुती उपाय सांगितले आहेत ते पाहू.[Photo credit – Freepik]

3/9

१. आंघोळीसाठी कडक गरम पाणी वापरण्याची अनेकांना सवय असते. पाठीवर पुरळ येण्याचे ते एक कारण असू शकते. त्यामुळे शक्यतो कडक गरम पाण्याऐवजी आंघोळीसाठी कोमट पाणी वापरावे.[Photo credit – Freepik]

4/9

२. आठवड्यातील एक किंवा दिन दिवस अंघोळीदरम्यान शरीरावरील मृत त्वचा काढण्यासाठी चांगल्या किंवा घरगुती स्क्रबचा वापर करू शकता. घरगुती स्क्रब बनवण्यासाठी तुम्ही मध, साखर कॉफी यांचा वापर करू शकता.[Photo credit – Freepik]

5/9

३. अंघोळीदरम्यान केसांवर शाम्पू आणि कंडिशनरचा वापर केल्यानंतर, एखाद्या चांगल्या बॉडीवॉशचा वापर मान आणि पाठ यांवर करावा.[Photo credit – Freepik]

6/9

४. तुम्ही झोपता त्या पलंगावरील चादर तसेच उशीचा अभ्रा / कव्हर दर आठवड्याला बदलावा. झोपताना कायम स्वच्छ उशी, पांघरूण आणि चादर यांचा वापर करावा.[Photo credit – Freepik]

7/9

५. तुम्हाला जर केस मानेवर-पाठीवर मोकळे सोडायची सवय असेल, तर तसे करू नका. त्याऐवजी केसांचा छान आंबाडा किंवा बन बांधून ठेवावा. तुम्ही दररीज व्यायाम करत असाल, तर व्यायामानंतर आंघोळ करावी. तसेच अंगाला चिकटून बसणारे किंवा सॅटिनचे कपडे घालणे टाळावे.[Photo credit – Freepik]

8/9

६. पाठीवर पुरळ असल्यास हलके मॉइश्चराइजर आणि ऑइल फ्री सनस्क्रीनचा वापर करावा. तसेच सुती आणि सुटसुटीत कपड्यांचा वापर करावा. सर्वात शेवटी, जर तुम्हाला ‘बॅक ऍक्ने’ म्हणजेच पाठीवरील पुरळाचा खूपच त्रास होत असेल तर, त्वचा डॉक्टरांना [डर्मेटोलॉजिस्ट] दाखवून यावे.[Photo credit – Freepik]

9/9

७. पाठीवरील पुरळ कमी करण्यासाठी कोरफड, काकडीचा रस, गुलाब पाणी किंवा कडुनिंबाच्या पानांचा वापरदेखील करता येऊ शकतो. [टीप – वरील टिप्स या प्राप्त माहितीवर आधारित आहे. कृपया यास वैद्यकीय सल्ला समजू नये.] [Photo credit – Freepik]