Summer Health Tips: गरमीपासून वाचण्यासाठी दिवसभर एसीमध्ये बसताय? जाणून घ्या ‘हे’ गंभीर दुष्परिणाम

एप्रिल महिना संपत नाही तोच उन्हाचा तडाखा बसू लागला आहे. वाढत्या तापमानामुळे सर्वच लोक हवालदिल झाले असून येणाऱ्या दिवसांमध्ये तापमान आणखीनच वाढणार असल्याची शक्यता वर्तवण्यात येत आहे. दिवसेंदिवस वाढणारी गरमी आता असह्य होऊ लागली आहे. यापासून वाचण्यासाठी लोक वेगवेगळे उपाय करताना दिसत आहेत. बहुतांश घरांमध्ये दिवसभर पंखा चालू असतो, तर काहीजण अशा दिवसांमध्ये कूलरचा आधार घेताना दिसत. अशातच आता एसी वापरणाऱ्यांचे प्रमाणही लक्षणीयरित्या वाढले आहे. उन्हाळ्याच्या दिवसांमध्ये एसीचा वापर वाढलेला पाहायला मिळतो. शहरच नाही, तर गावांमध्येही लोकं गरमीपासून वाचण्यासाठी एसीला प्राधान्य देताना पाहायला मिळतात. मात्र, एसीच्या वापराचे काही गंभीर परिणामही होऊ शकतात. एसीमधील हवा आपल्याला आजारी करू शकते. या हवेमुळे आपल्याला अनेक आरोग्य समस्या उद्भवण्याची शक्यता कित्येक पटीने वाढत आहे. तुम्हीही उन्हाळ्यातील गरमीपासून वाचण्यासाठी तासंतास एसीमध्ये बसत असाल तर तुम्हाला सावध होण्याची गरज आहे. कारण एसीमधून निघणाऱ्या हवेच्या दुष्परिणामांमुळे तुम्ही आजारी पडू शकता. काही हेल्थ रिपोर्ट्सनुसार, तुम्ही जर एसीमध्ये जास्त वेळ बसत असत तर 'सिक बिल्डिंग सिंड्रोम' वाढण्याचा धोका निर्माण होऊ शकतो. यामुळे डोकेदुखी, कोरडा खोकला, थकवा, चक्कर येणे, लक्ष न लागणे इत्यादी समस्या जाणवू शकतात. खूप वेळ एसीमध्ये राहिल्याने शरीरातील आर्द्रता कमी होते. यामुळे त्वचेच्या बाहेरच्या थरामध्ये पाणी कमी होऊन त्वचा कोरडी होते आणि फाटू लागते. एसीचा जास्त वापर केल्याने अॅलर्जी आणि दम्याची समस्या उद्भवू शकते. तसेच डोळे आणि त्वचेवर खाज येऊ शकते. बऱ्याचवेळ एसीमध्ये राहिल्याने त्वचा आकुंचन पावते आणि सुरकुत्या, फाईन लाईन्स, वृद्धत्वयाच्या खुणा वाढू लागतात. इतकंच नाही तर एसीची थंड हवा शरीरात डिहायड्रेशन समस्या वाढवू शकते. लक्षात ठेवा, एसीचा वापर दुपारी आणि संध्याकाळी करू नये किंवा गरज भासल्यास अतिशय मर्यादित प्रमाणात करावा. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्यावा. (All Photos: Freepik)