१३९ दिवस ‘या’ राशींवर शनिदेवाची कृपा? शनिदेवाच्या उलट्या चालीने होऊ शकतात मालामाल

ज्योतिष शास्त्रात शनि ग्रहाला विशेष महत्वपूर्ण मानले जाते. असे म्हणतात की, शनिदेव जेव्हा एखाद्यावर प्रसन्न होतात, तेव्हा ते त्याला राजा बनवतात. ज्योतिषशास्त्रात शनिला कर्मदेवता म्हटलं आहे. शनि प्रत्येकाला आपल्या कर्मानुसार त्याचे फळ देतो. शनीला एका विशिष्ट राशीत आपला प्रवास पूर्ण करण्यासाठी अडीच वर्षे लागतात. आता शनि लवकरच आपली चाल बदलणार आहे. जून महिन्यात कुंभ राशीत वक्री होणार आहेत. शनीचं उलट्या गतीने होणारे मार्गक्रमण १३९ दिवस काही राशींसाठी खूप लाभदायी ठरु शकते. चला तर जाणून घेऊया भाग्यशाली राशी कोणत्या... मेष राशींच्या लोकांवर शनिदेवाची विशेष कृपा राहू शकते. या राशीच्या लोकांची व्यवसायाच्या क्षेत्रात प्रगती होण्याची शक्यता आहे. व्यापारात वाढ होऊ शकते. बराच काळ अडकलेला पैसा या काळात परत मिळू शकतो. वृषभ राशीच्या लोकांना शनिदेवाच्या कृपेने मोठा फायदा होऊ शकतो. करिअरमध्ये प्रगती होऊ शकते. या राशीच्या लोकांना त्यांच्या व्यवसायात मोठा नफा मिळण्याची शक्यता आहे. तुम्हाला विविध क्षेत्रात चांगल्या संधी मिळू शकतात. वृश्चिक राशींच्या लोकांना शनिदेवाच्या कृपेने मोठा धनलाभ होऊ शकतो. कोणत्याही गुंतवणुकीतून तुम्हाला फायदा होऊ शकतो. नवीन घर किंवा मालमत्ता खरेदी करण्याचे योग जुळून येऊ शकतात. (टीप: वरील लेख हा प्राप्त माहितीवर आधारित आहे) (फोटो सौजन्य : लोकसत्ता ग्राफिक्स टीम) )