काही दिवसात थांबेल केसगळती, घरीच बनवा तांदूळ आणि कांदेचे हेअर सीरम, केस होतील घटदाट

लांबसडक, दाट आणि सुंदर केस प्रत्येकालाच हवे असतात, मग ती महिला असो वा पुरुष. मात्र हल्ली प्रत्येकजण केसगळतीच्या समस्येने हैराण आहे. अशापरिस्थितीत बाजारात उपलब्ध महागडी उत्पादने वापरुनही काही परिणाम होत नाही. त्यामुळे आम्ही तुम्हाला नैसर्गिक पदार्थांचा वापर घरच्या घरी हेअर सीरम कसे बनवायचे हे सांगणार आहोत. यामुळे काही दिवसांत तुम्हाला केस गळतीच्या समस्येपासून आराम मिळू शकतो. तांदूळ आणि कांद्यामध्ये काही गोष्टी मिक्स करुन तुम्ही हे हेअर सीरम घरीच बनवू शकता. हेअर सीरम बनवण्यासाठी ४ चमचे तांदूळ आणि २ टेबलस्पून मेथीचे दाणे घ्या. सीरम तयार करण्यासाठी आपल्याला १.५ चमचे कांद्याच्या बिया आणि ४ ग्लास पाणी आवश्यक आहे. हेअर सीरम बनवण्यासाठी तांदूळ साधारण २ दिवस पाण्यात भिजत ठेवा. आता तांदळाचे पाणी गाळून ग्लासमध्ये काढा. आता मेथीचे दाणे आणि कांद्याच्या बिया घालून पुन्हा एक दिवस भिजत ठेवा. तुमच्या लक्षात येईल की, एक चिकट सीरम तयार झाले आहे. तुम्ही त्यात थोडेसे खोबरेल तेल मिक्स करा. तेलाचे प्रमाण खूप कमी ठेवा. म्हणजे फक्त ७-८ थेंब तेल घाला. आता ते एका बाटलीत स्टोर करा. केस धुतल्यानंतर थोडेसे ओलसर असल्यावर हे सीरम केसांवर स्प्रे करा. एकाच वेळी जास्त सीरम केसांना लावू नका. तुम्ही ते तुमच्या हातावर घेऊन हलके लावू शकता. केसांच्या मुळांपर्यंत हे सीरम पूर्णपणे लावा. यामुळे काही दिवसात तुमचे केस गळणे कमी होईल. (photo credit - freepik)