STRESS LEVEL: जास्त ताणामुळे होऊ शकतात अनेक गंभीर आजार; जाणून घ्या तणावामुळे होणाऱ्या आरोग्य समस्या

जास्त ताण घेतल्याने आपल्या शरीरावर अनेक परिणाम आणि गंभीर आजार होतात. भारतात दरवर्षी जास्त कामामुळे मृत्यूमुखी पडणाऱ्यांची संख्या वाढत आहे यामुळे अनेकदा लोकांना आपला जीव गमवावा लागतो. जाणून घेऊया अति तणावामुळे होणाऱ्या आरोग्यसमस्यांबाबत. टाईम्स ऑफ इंडियाच्या अहवालानुसार, भारतातील ६० टक्के लोक कामाच्या ओझ्यामुळे खूप थकलेले आणि चिंतेत आहेत. त्याच वेळी, २०१९ च्या एका अहवालात, मुंबई हे जगातील सर्वात मेहनती शहर होते. इंटरनॅशनल लेबर ऑर्गनायझेशन (ILO) च्या म्हणण्यानुसार, एका वर्षात भारतातील २ लाखांहून अधिक लोकांना जास्त कामामुळे आपला जीव गमवावा लागला आहे. जास्त कामामुळे लोकं तणावाखाली राहतात. तणावाखाली जगणाऱ्या लोकांना अनेक गंभीर आजारांचा धोका असतो. जास्त ताण घेतल्याने हृदयावर परिणाम होतो. जास्त ताणामुळे रक्तदाब आणि हार्ट अटॅकचा धोका मोठ्या प्रमाणात वाढतो. तणावामुळे कोर्टिसोल हार्मोनची पातळी वाढते ज्यामुळे वजन वाढते. अशा परिस्थितीत जास्त ताण घेतल्यास लठ्ठपणा येऊ शकतो. मधुमेह हा सर्वात गंभीर आजारांपैकी एक आहे जो जास्त ताण घेतल्याने देखील होऊ शकतो. जास्त ताणामुळे मायग्रेन होऊ शकतो, हा एक अतिशय धोकादायक आजार आहे यासोबतच सतत डोकेदुखीचा त्रासही होऊ शकतो. अति तणावाचा आपल्या पचनसंस्थेवरही परिणाम होतो यामुळे पोटाशी संबंधित अनेक समस्या उद्भवू शकतात.