Pigeon Diseases : कबुतरांच्या पिसांसह विष्ठेतून पसरतायत ‘हे’ घातक आजार; महिलांनो वेळीच घ्या काळजी

Pigeon Diseases : गेल्या काही वर्षांत कबुतरांची संख्या झपाट्याने वाढली आहे. नुकताच एक अहवाल समोर आला आहे ज्यामध्ये २००० ते २०२३ दरम्यान भारतात कबुतरांची संख्या सुमारे १५०टक्क्यांनी वाढली आहे. कबुतर आरोग्यासाठी अत्यंत हानिकारक आहे. पण तरीही कबुतरांना खायला देणारे बरेच लोक आहेत. परंतु हे धोकादायक ठरू शकते. कबूतरांच्या शरीरात असे अनेक विषाणू असतात, ज्यामुळे अनेक आजारांचा धोका वाढतो. फुफ्फुसांवर होतो वाईट परिणाम : कबुतराची विष्ठा (चरक) केवळ छत आणि बाल्कनीच प्रदूषित करत नाही तर ते मानवी फुफ्फुसांसाठी खूप धोकादायक आहे. यामुळे अतिसंवेदनशीलता न्यूमोनिटिसचा धोका असतो. कबुतराच्या विष्ठेमध्ये एव्हीयन अँटीजेन्स असतात जे हवेतून नाकात आणि पुढे श्वासाद्वारे फुफ्फुसात पोहोचतात. त्यामुळे फुफ्फुसाचे आरोग्य खराब होऊ शकते. कबुतरामुळे दमा होऊ शकतो. अशा परिस्थितीत ज्यांना फुफ्फुसाशी संबंधित समस्या आहेत त्यांनी त्यांच्यापासून दूर राहावे. तसेच कमकुवत रोगप्रतिकारक शक्ती असलेले लोक, लहान मुले आणि वृद्धांनीही कबुतरापासून दूर राहावे. महिलांसाठी धोकादायक: कबुतराची विष्ठा आणि पिसांपासून होणारे बुरशीजन्य संसर्ग देखील कँडिडिआसिसचा धोका वाढवतात. हे कॅन्डिडा यीस्टच्या वाढीमुळे असू शकते. यामुळे तोंडाला सूज येणे, पांढरे चट्टे येणे, चव कमी होणे आणि तोंडाच्या दोन्ही कोपऱ्यांमध्ये लालसरपणा येतो. त्यामुळे प्रायव्हेट पार्ट्सलाही त्रास होऊ शकतो. महिलांना जळजळ आणि जास्त स्त्राव यासारख्या समस्या जाणवू शकतात ई-कोलाय बॅक्टेरियाचा धोका : कबुतराची विष्ठा पाण्यात, भाजीपाला, फळे किंवा शेतात पडल्यास आणि स्वच्छ न केल्यास ई-कोलाय बॅक्टेरिया शरीरात प्रवेश करू शकतात. यामुळे चक्कर येणे, बेशुद्ध पडले, मळमळ, ताप आणि डोकेदुखी यासारख्या समस्या उद्भवू शकतात. मज्जासंस्थेसाठी धोकादायक : इतकेच नाही तर कबुतराच्या श्वासामुळे मज्जासंस्थेलाही हानी पोहोचते. त्याचा डंक सिलिकोसिसचा धोका वाढवतो, ज्याला पियरेट फिवर असेही म्हणतात. हे क्लॅमिडीया सिटासी नावाच्या बॅक्टेरियामुळे होते. जेव्हा ही समस्या उद्भवते तेव्हा शरीरात फ्लू सारखी लक्षणे दिसतात. ( सर्व फोटो: पेक्सेल्स)