Winter Hacks: हिवाळ्यात शरीर उबदार ठेवायचे आहे? या टिप्स नक्की फॉलो करा

हिवाळ्यात थंडीपासून वाचण्यासाठी अनेक उपाय सुचविले जातात. यापैकी काही मूलभूत उपाय हिवाळ्याच्या या हंगामामध्ये आपल्या शरीराचे नक्कीच रक्षण करेल. कपडे कोणते घालायचे - हिवाळ्यात सर्वप्रथम थर्मल कपडे परिधान करावे. यावर स्वेटर किंवा जॅकेट घालून शरीराला उबदार बनविण्यात मदत करते. सूर्यकिरण गरजेचे - जीवनसत्व डीचे सेवन वाढवण्यासाठी हिवाळ्यात सूर्यप्रकाश मिळणे महत्त्वाचे आहे. शरीराला उष्णता देणारे अन्न - हिवाळ्यात शरीराला उष्णता देणाऱ्या अन्नाचे सेवन केल्यास कोणत्याही आजाराला तोंड देण्याची शक्ती प्राप्त होते. हळद, मध, आलं, इलायची, काजू, मिरी, अंडं या पदार्थांचा नियमित आहारात समावेश करणे फायद्याचे ठरेल. योग्य पाणीपुरवठा - हिवाळ्यात पाण्याची तहान क्वचितच लागते. परंतु, या दिवसात शरीरात पाणीपुरवठा योग्य प्रमाणात पोहोचणे गरजेचे असते. हर्बल चहा, सूप किंवा कोमट पाणी याचे सेवन केल्यास फायद्याचे ठरेल. झोपताना सॉक्स परिधान करणे - उबदार तळवे शरीराला ऊब देण्यात मदत करतात. त्याचबरोबर हिवाळ्यात सॉक्स परिधान केल्यामुळे शांत झोप लागते. जीवनसत्व बी १२ चे सेवन - अंडी, मासे, हिरव्या पालेभाज्या यामध्ये जीवनसत्व बी १२ सारखे अनेक पोषक सत्व असल्याने या अन्नाचे सेवन केल्यास शरीराला ताकद मिळते. (सर्व फोटो सौजन्य : पेक्सएल्स)