Healthy Living Tips: झोपण्यापूर्वी आहार कसा असावा? आहारतज्ज्ञ सांगतात…

आहारतज्ज्ञ झोपण्यापूर्वी जड आहार घेऊ नका, असे सुचवतात. त्याऐवजी हलकी फळे खाल्ल्यामुळे शरीराला खूपच फायदा होतो. अपोलो स्पेक्ट्रा हॉस्पिटलचे आहारतज्ज्ञ डॉ. जिनल पटेल यांनी सांगितले की, जड आहारामुळे शरीरातील चयापचय क्रिया मंदावते, ज्यामुळे काही जुनाट आजार होतात. झोपण्यापूर्वी जड अन्न खाल्ल्यास शरीराला कार्बोहायड्रेट पचण्यास कठीण जाते; परिणामी, वजन वाढू शकते आणि अॅसिडिटीचा त्रासही होऊ शकतो. एखाद्याला ओटीपोटात दुखणे, अस्वस्थता, सतत छातीत जळजळ आणि आम्लतादेखील होऊ शकते. जे रात्री उशिरा जेवतात त्यांना लठ्ठपणा, हृदयाच्या समस्या आणि मधुमेह होण्याची शक्यता असते. जंक फूड जास्त प्रमाणात खाणे, विशेषत: रात्री उशिरा, कोलेस्टेरॉल आणि फॅटी डिपॉझिटमुळे (ज्याला प्लेक म्हणतात) रक्तवाहिन्या अरुंद आणि बंद होऊ शकतात, असे डॉ. पटेल म्हणाले. या समस्येवर उपाय सांगताना शारदा हॉस्पिटलच्या वरिष्ठ आहारतज्ज्ञ श्वेता जैस्वाल म्हणाल्या, झोपण्यापूर्वी हलकी फळे खाल्ल्याने झोपेची कोणतीही हानी न होता, रात्री उशिरापर्यंतची भूक कमी होण्यास मदत होते. फळांमध्ये नैसर्गिकरीत्या कॅलरी कमी असतात आणि त्यात सौम्य साखर असते, जी साखरेचा क्रॅश न होता इच्छा पूर्ण करते. हे एकंदर आरोग्यासाठी अत्यंत उपयुक्त आहे. झोपण्यापूर्वी बेरी (जसे स्ट्रॉबेरी आणि ब्लूबेरी), चेरी, किवी, पीच आणि प्लम्स ही फळे खाल्ल्यास अत्यंत फायदेशीर ठरू शकते. (सर्व फोटो सौजन्य : Pexels) हेही पाहा : भिजवलेल्या काजूंचा आहारात करा समावेश; शरीराला मिळतात ‘हे’ जबरदस्त फायदे