Travel Tips : ‘या’ पाच सुंदर देशांमध्ये एकही भारतीय राहत नाही

भारतातील बरेच लोक शिक्षणासाठी व नोकरीसाठी इतर देशांमध्ये जातात. काहीजण परदेशात कायमचे स्थायिक होतात. आशियाई देशांपासून युरोप आणि अमेरिकेपर्यंत, जगाच्या अनेक भागात तुम्हाला भारतीय लोक आढळतील. तुम्ही नाव घ्याल त्या देशात भारतीय लोक दिसतील. परंतु, या जगात असेही काही देश आहेत जिथे तुम्हाला एकही भारतीय सापडणार नाही, होय, जगात असे काही देश आहेत जिथे भारतीयांची टक्केवारी नगण्य आहे किंवा तिथे भारतीय लोक राहत नाहीत. (फोटो-फ्रीपिक) व्हॅटिकन सिटी: रोमच्या मध्यभागी असलेला व्हॅटिकन सिटी हा जगातील सर्वात लहान देश आहे. हे कॅथलिक धर्माचे आध्यात्मिक केंद्र देखील आहे आणि येथील प्रसिद्ध ठिकाणांमध्ये सेंट पीटर बॅसिलिका आणि व्हॅटिकन संग्रहालये यांचा समावेश आहे. भारतीय लोक येथे पर्यटक म्हणून जाऊ शकतात, परंतु येथे भारतीय लोक राहत नाहीत. (फोटो-फ्रीपिक) सॅन मरिनो: इटलीच्या अपेनाइन पर्वतरांगांमध्ये वसलेले सॅन मरिनो हे जगातील सर्वात जुन्या प्रजासत्ताकांपैकी एक आहे. हा छोटासा देश त्यांच्या भव्य इमारती, सुंदर ठिकाणं आणि जुन्या परंपरांसाठी ओळखला जातो. जगभरातून येथे लाखो पर्यटक येतात, भारतीयही फिरण्यासाठी येथे येतात, पण येथे भारतीयांची लोकसंख्या नगण्य आहे. (फोटो-फ्रीपिक) बल्गेरिया : बल्गेरिया हा युरोपमधील एक अतिशय सुंदर देश आहे, जिथे तुम्हाला समुद्रकिनारे, काळा समुद्र आणि बाल्कन पर्वत पाहता येतो. इतके सौंदर्य आणि संस्कृती असूनही, भारतातून फार कमी लोक येथे स्थायिक झाले आहेत. म्हणजे तुम्ही इथे भेट देऊ शकता, पण तिथे स्थायिक असलेले भारतीय तुम्हाला क्वचितच सापडतील. (फोटो-फ्रीपिक) तुवालू : तुवालू हा प्रशांत महासागराच्या कोपऱ्यात वसलेला एक अतिशय लहान आणि विरळ लोकवस्तीचा देश आहे. हा 9 प्रवाळ बेटांनी बनलेला देश आहे आणि त्याचे सागरी सौंदर्य अद्भुत आहे. भारतीय येथे भेट देण्यासाठी येऊ शकतात, परंतु, कोणताही भारतीय येथे कायमचा राहत नाही. कारण हा देश जगापासून पूर्णपणे वेगळा आहे. (फोटो-फ्रीपिक) ग्रीनलँड : ग्रीनलँड हा एक अतिशय थंड आणि बर्फाळ देश आहे, जो जगातील सर्वात मोठ्या बेटांपैकी एक आहे. येथील लोकसंख्या खूपच कमी आहे आणि हवामान बरेच थंड आहे. भारतीय लोक या देशाला भेट देत असले तरी, कोणताही भारतीय ग्रीनलँडमध्ये कायमचा राहत नाही. येथे राहणाऱ्या भारतीयांची संख्या जवळजवळ शून्य आहे. (फोटो-फ्रीपिक)