Photos: श्रावण महिन्यात तुमच्या हातांवर खुलून दिसतील अशी मेंदी डिझाइन्स, पाहा ‘हे’ नऊ प्रकार

२०२५ मधील नवीनतम आणि ट्रेंडिंग मेंदी डिझाइन्स : हिंदू संस्कृतीत सणांचा हंगाम सुरु झाला आहे सणांची रंगतदार सुरुवात झाली आहे. या काळात महिलांसाठी मेहंदी ही केवळ परंपरा नाही, तर सौंदर्याची एक खास अभिव्यक्ती ठरते. प्रत्येक मेंदी डिझाइनमध्ये एक खास अर्थ दडलेला असतो. काही डिझाइन्स साधेपणात सौंदर्य दाखवतात, तर काही पारंपरिक रचनेत संस्कृतीची झलक दाखवतात. मेंदी लावणे ही फक्त परंपरेची गोष्ट नाही, तर स्वतःच्या सौंदर्याला खुलवण्याची एक नाजूक आणि कलात्मक अभिव्यक्ती आहे. मेंदीचा दरवळ सणांच्या उत्साहात आनंदाची एक खास झुळूक मिसळतो, वातावरण अधिक मंत्रमुग्ध आणि आनंदमय करतो. हातांवर मेंदीची नाजूक छटा दिसताच चेहऱ्यावर आनंदाची लहर उमटते. ती पहिली झलकच सणाच्या उत्साहाची सुरुवात करत जाते. काही डिझाइन्स इतक्या बारकाईने रेखाटलेल्या असतात की, नजर त्यांच्यावर खिळून राहते. तर काही केवळ बोटांपुरती मर्यादित असली तरीही त्यांच्या स्टायलिश लूकमुळे त्या डिझाइन्स लगेचच लक्ष वेधून घेतात. जर तुम्हाला मेंदी लावण्याचा अनुभव नसेल, तरी या डिझाइन्स तुम्हाला प्रेरणा देतील आणि तुमचं सौंदर्य अधिक खुलवतील. हातांवर उमटणाऱ्या या नाजूक रचना म्हणजे केवळ डिझाइन्स नाहीत, तर त्या एक कथा सांगतात. श्रावणात लावल्या जाणाऱ्या मेंदीचा रंग निसर्गाच्या हिरवाईशी जणू एकरूप झालेला असतो. तो रंग केवळ त्वचेवर नाही, तर सणाच्या आनंदातही निसर्गाची शांती आणि सौंदर्य मिळवून देतो आजकाल महिलांना पारंपरिकतेचा स्पर्श असलेल्या आधुनिक फ्युजन डिझाइन्स अधिक भावतात. लग्न समारंभ आणि खास पार्टीसाठी अशा मेंदी डिझाइन्सना विशेष पसंती असते. नाजूक फुलं आणि पानांच्या रचना हातावर इतक्या सुंदर खुलतात की, त्यांचा सौंदर्यावरील प्रभाव क्षणार्धात जाणवतो.