Healthy Living: नियमित उकडलेली मटकी खाल्ल्याने होतात ‘हे’ आरोग्यदायी फायदे?

Health Benefits Of Eating Boiled Matki: सकाळच्या नाश्त्यासाठी मटकी वाफवून किंवा परतून खावी. यामध्ये प्रथिने भरपूर असतात. हे आपल्या स्नायूंना मजबूत करतात. उकडलेली मटकी शरीराला दिवसभर ऊर्जा देते. शाकाहारी लोकांसाठी हे प्रथिनांचा उत्तम स्रोत आहे. मटकीमध्ये फायबर खूप जास्त असते. उकडलेली मटकी खाल्ल्याने पचनक्रिया चांगली होते. मटकीमध्ये कॅलरीज कमी आणि फायबर जास्त असल्यामुळे पोट जास्त वेळ भरल्यासारखे वाटते. सकाळी नाशत्याला उकडलेली मटकी खाल्ल्याने वारंवार भूक लागत नाही आणि वजन कमी करण्यास मदत होते. उकडलेली मटकी खाल्ल्याने शरीराची रोगप्रतिकारक शक्ती वाढण्यास मदत होते आणि आजारांपासून बचाव होतो. मूळव्याधीच्या विकारामध्ये अनेक वेळा शौचावाटे रक्त पडते. अशा वेळी उकडलेली मटकी खाल्ली असता रक्त पडणे थांबते. मटकीमध्ये 'क' जीवनसत्त्व असल्यामुळे तिचा आहारामध्ये वेगवेगळ्या स्वरूपात वापर करावा. (हेही पाहा : रोज लोणचं खाल्ल्याने शरीराला होतात 'हे' ५ फायदे? पण, पोटाचं काय...?)