असं रंगलं मनसेचं ‘महा’अधिवेशन

1/8

महाराष्ट्र नवनिर्माण सेनेचं राज्यव्यापी महाअधिवेशन आयोजित करण्यात आलं होतं. मनसे अध्यक्ष राज ठाकरे यांनी यावेळी पक्षाच्या नव्या झेंड्याचं अनावरण केलं. (फोटो सौजन्य : मनसे अधिकृत)

2/8

तब्बल १४ वर्षांनी मनसेच्या झेंड्यात बदल करण्यात आला. मनसेच्या नव्या झेंड्यामध्ये भगव्या रंगाचा वापर करण्यात आला आहे. तसंच यामध्ये शिवमुद्राही वापरण्यात आली आहे. (फोटो सौजन्य : मनसे अधिकृत)

3/8

या झेंड्याच्या तळाच्या भागाचा आणि राजमुद्रेचा रंग तांबडा असून त्यावर पांढरी अक्षरे आहेत. (फोटो सौजन्य : मनसे अधिकृत)

4/8

अधिवेशनादरम्यान अमित ठाकरे यांचं राजकीय लॉन्चिंग यावेळी करण्यात आलं. (फोटो सौजन्य : मनसे अधिकृत)

5/8

अमित ठाकरे यांची नेतेपदी निवड करण्यात आली. मनसे नेते बाळा नांदगावकर यांनी ही घोषणा केली. अमित ठाकरे यांची नेतेपदी निवड करण्यासाठी समस्त मनसैनिकांनी अनुमोदन दिलं. (फोटो सौजन्य : मनसे अधिकृत)

6/8

मनसे भविष्यात 'शिक्षण परिषदेचे' आयोजन करणार आहे. मनसे नेते अमित ठाकरेंच्या नेतृत्वात ही शिक्षण परिषद आयोजित करण्यात येईल. (फोटो सौजन्य : मनसे अधिकृत)

7/8

अमित ठाकरे यांनी मनसेचा नवा झेंडा हातात घेतला होता. यापूर्वी ते राजकारणात पूर्णपणे सक्रीय नव्हते. तेव्हा सोशल मीडियाच्या माध्यमातून सामान्य नागरिकांच्या समस्या मांडत होते. (फोटो सौजन्य : मनसे अधिकृत)

8/8

मनसेच्या पहिल्या महाअधिवेशनाला राज्यभरातून मोठ्याप्रमाणात मनसैनिकांनी हजेरी लावली होती. मनसेच्या नव्या झेंड्याच्या अनावरणानंतर मनसैनिकांनीही नवा झेंडा हाती घेत जल्लोष केला. (फोटो सौजन्य : मनसे अधिकृत)