भारतात ऑक्सफर्डच्या लशीला इमर्जन्सीमध्ये मिळू शकते मान्यता

1/10

दिवाळी संपल्यानंतर देशामध्ये करोना व्हायरसची लागण झालेल्या रुग्णांची संख्या वाढू लागली आहे. त्यामुळे करोना व्हायरसची दुसरी लाट येण्याचा धोका तज्ज्ञांकडून वर्तवण्यात येत आहे.

2/10

काही राज्यांनी करोनाचा प्रसार रोखण्यासाठी पुन्हा एकदा निर्बंध लागू करण्याचा तसेच संचारबंदीसारखे निर्णय घेतले आहेत. करोनाचा फैलाव रोखण्याचा एकमेव मार्ग आहे, तो म्हणजे लस.

3/10

सध्या सिरम इन्स्टिट्यूच्या कोव्हीशिल्ड या लशींच्या तिसऱ्या फेजच्या चाचण्या सुरु आहेत. कोव्हीशिल्ड ही मूळची ऑक्सफर्डची लस आहे.

4/10

करोनाची सद्य स्थिती लक्षात घेता, पुणे स्थित सिरम इन्स्टिट्यू ऑफ इंडियाने विकसित केलेल्या ऑक्सफर्डच्या लशीला इमर्जन्सीमध्ये मान्यता मिळू शकते.

5/10

निती आयोगाचे सदस्य विनोद पॉल यांनी ही माहिती दिली. ठरल्यानुसार, भारतात करोना लशीच्या चाचण्या झाल्या तर जानेवारी-फेब्रुवारी २०२१ मध्ये फेज तीनच्या चाचण्या पूर्ण होतील.

6/10

विनोद पॉल हे लस व्यवस्थापनासंदर्भात स्थापन करण्यात आलेल्या नॅशनल एक्सपर्ट ग्रुपचे अध्यक्ष आहेत. इंडिया टुडेने हे वृत्त दिले आहे.

7/10

अस्त्राझेनेकाच्या लशीला यूके सरकारने मान्यता दिली तर भारतात अदर पूनावाला यांची सिरम बनवत असलेल्या ऑक्सफर्डच्या लशीला मान्यता देण्याचा विचार होऊ शकतो असे विनोद पॉल म्हणाले. (Photo: Reuters)

8/10

"यूकेमध्ये ऑक्सफर्ड-अस्त्राझेनेकाच्या लशीला आपातकालीन मंजुरी मिळाली तर, भारतीय नियामकाला सुद्धा तशी संधी आहे" असे विनोद पॉल म्हणाले.

9/10

फेज तीनच्या चाचण्या पूर्णहोण्याआधी भारतात इमर्जन्सीमध्ये मान्यता मिळाली तर पुढच्यावर्षी लवकरात लवकर प्राधान्यक्रमानुसार लशीचे डोस दिले जाऊ शकतात.

10/10

आधी आरोग्य क्षेत्रातील कर्मचारी, त्यानंतर ६५ वर्षावरील व्यक्ती आणि त्यानंतर ५० ते ६० वयोगट असा लशीचा डोस देण्यासाठी प्राधान्यक्रम असू शकतो.