Latest Photo Galleries, Trending Viral Photos | Entertainment and Celebrity Pictures | Lifestyle, Sports, Travel, Health, News Photo Galleries

दक्षिण आफ्रिकेचे माजी राष्ट्राध्यक्ष जेकब झुमा यांच्या अटकेनंतर देशामध्ये हिंसाचार उफाळून आला आहे. (सर्व फोटो : रॉयटर्सवरुन साभार)झुमा यांच्या समर्थकांनी मागील आठवड्यापासून अनेक शहरांमध्ये रस्त्यांवर उतरुन हिंसक आंदोलन सुरु केलं आहे. मागील आठवड्यापासून दक्षिण आफ्रिकेमध्ये सुरु असणाऱ्या या आंदोलनामध्ये आतापर्यंत ७२ जणांचा प्राण गेलाय.भ्रष्टाचार प्रकरणातील एका तपासात सहभागी न झाल्याने झुमांना १५ महिन्यांच्या तुरुंगवासाची शिक्षा ठोठावण्यात आल्यानंतर हा हिंसाचार उफाळून आलाय.मागील काही वर्षांमधील हा दक्षिण आफ्रिकेतील सर्वात हिंसक काळ असून सध्या देशातील राजकीय वातावरण हे अस्थिर आहे. मागील अनेक वर्षांमधील हे दक्षिण आफ्रिकेतील सर्वात हिंसक आंदोलन असल्याचं सांगण्यात येत आहे.राष्ट्राध्यक्ष जेकब झुमा यांच्या कार्यकाळात झालेल्या भ्रष्टाचाराविषयीच्या तपासात पुरावे देण्याची सूचना न्यायालयाने झुमा यांना दिली होती. मात्र त्यांनी या आदेशाला केराची टोपली दाखवल्याने त्यांना शिक्षा सुनावण्यात आली. त्यानंतर कायदेशीर कारवाई करत झुमा यांना गेल्या आठवड्यात त्यांना अटक करण्यात आली आणि हिंसा सुरु झाली.झुमा यांना अटक होऊ नये यासाठी त्यांच्या समर्थकांनी त्याच्या घराबाहेर गर्दी केली होती. ४ जुलैला झुमा यांनी शरण येणार नसल्याचं सांगितलं होतं. मात्र न्यायालयाचा अवमान केल्याबद्दल त्यांना अटक करण्यात आली. आणि हिंसा सुरु झाली.झुमा यांच्या अटकेनंतर त्यांच्या समर्थकांनी हिंसक आंदोलन सुरु केलं आहे. ठिकठिकाणी झुमा यांच्या समर्थकांचा उद्रेक पाहायला मिळत आहे. अनेक ठिकाणी पोलीस आणि समर्थकांमध्ये हाणामारी झाल्याच्या घटनाही घडल्या आहेत. दुकाने, गोदामे, ट्रक्सला आग लावण्याचे प्रकार अनेक ठिकाणी घडले आहेत.मोठमोठ्या गोदामांनाही आंदोलकांनी लक्ष्य करत जाळपोळ केलीय.अनेक शहरांमध्ये लुटमारीचे प्रकारही समोर आले आहेत. करोना काळात वाढलेली गरीबी आणि आर्थिक निर्बंधामुळे आधीच देशात अशांततेचं वातावरण होतं त्यात या अटकेमुळे वातावरण आणखीन तापलं. झुमा यांच्या अटकेनंतर भर पडली आहे. दुकानेच्या दुकाने लोकांनी लुटून नेल्याचं चित्र अनेक शहरांमध्ये दिसत आहे.लुटमार केल्यानंतर अशाप्रकारे ट्रॉलींमधून अनेकजण सामान घरी नेताना दिसत आहेत.काही ठिकाणी तर मोठ्या आकाराच्या वस्तुही आंदोलकांनी लुटल्याचं चित्र दिसत आहे.वाढत्या हिंसाचारामुळे दुकानं, पेट्रोल पंप आणि सरकारी इमारती बंद करण्यात आल्या आहेत.या हिंसाचार प्रकरणी आतापर्यंत (१५ जुलै २०२१ पर्यंत) १७०० हून अधिक जणांना अटक करण्यात आली आहे.अनेक ठिकाणी गाड्या रस्त्यामध्ये अडवून अशाप्रकारे पेटून देण्यात आल्यात.मोठमोठ्या गोदांमांना आग लावून आंदोलनाच्या नावाखाली लूटमार केली जात आहे.अनेक ठिकाणी असे धुराचे लोट दिसून येत आहेत. फोटोंमध्ये जाळत असणाऱ्या इमारती या मोठी गोदामं आहेत.गोदामांमध्ये वस्तूंचा पुरवठा करणाऱ्या मोठ्या कंटेनर्सवरही हल्ले केले जात आहेत.जबरदस्तीने कंटेनर उघडून सामानाची चोरी केली जात आहे.काही ठिकाणी हे ट्रक्स अशापद्धतीने जाळून टाकण्यात आलेत.अराजकता कशाला म्हणतात याची प्रचिती सध्या दक्षिण आफ्रिकेतील ही दृष्य पाहून येत आहे.अनेक ठिकाणी मॉल्समध्येही तोडफोड करुन लूटमार करण्यात आलीय.काही ठिकाणी मॉल्सला आगही लावण्यात आलीय.हा एका मॉलचा दर्शनी भाग आहे, असं सांगितल्यास त्यावर विश्वास ठेवणं कठीण जाईल.वेगवेगळ्या शहरांमध्ये एटीएमसही फोडण्यात आली आहेत.आंदोलनाच्या नावाखाली झुंडीने मॉल्स, दुकाने, गोदामांवर हल्ले केला जात आहेत.हल्ला करुन तोडफोड करायची आणि वाटेल ते सामान उचलून पळून जायचं असं चित्र अनेक ठिकाणी दिसत आहे.सर्वच दुकानांमध्ये आंदोलनाच्या नावाखाली तोडफोड करण्यात आल्याने मोठं नुकसान झालं आहे.लुटमार करुन मॉलमधून पळ काढणारे आंदोलकमॉलला आग लावल्यानंतर त्याचा उरलेला धातूचा सांगाडा.सगळं काही ठप्प असून केवळ आणि केवळ लुटमार सुरु असल्याचं चित्र हवेमधून काढलेल्या या फोटोमध्येही दिसत आहे.लहान सामानच नाही तर फ्रीजसारख्या गोष्टीही लोक चोरुन नेत आहेतअनेक शहरांमध्ये रस्त्यांच्याकडेला अशाप्रकारे सामान पडल्याचं चित्र दिसत आहे.कंटेरनर्स रस्त्यात आडवून लुटमार केली जात आहे.गोदामे पेटून देण्यात आली आहेत.दिवसाच नाही रात्री सुद्धा हा हिंसाचार सुरु असतो.मोठ्याप्रमाणात सुरक्षा दलांना तैनात करण्यात आलं असून १७०० हून अधिक जणांना मागील ११ दिवसांमध्ये अटक करण्यात आलीय.