Us States Hurricane Ida Hits New York City Photos Videos Water Gushing Apartments Subway Stations Airport Flood Social Media Viral Sdn 96 - Latest Photos | Photos: पावसामुळे मुंबईप्रमाणेच न्यूयॉर्क शहराची उडाली दाणादाण

अमेरिकेत इडा चक्रिवादळाने हाहाकार माजवला आहे. या चक्रिवादळामुळे न्यूयॉर्क शहरात मुसळधार पाऊस कोसळत असून भीषण पूरपरिस्थिती निर्माण झाली आहे. या पुरामुळे गुरुवारी एका रात्रीत एकट्या न्यूयॉर्कमध्ये तब्बल ४४ जणांचा मृत्यू झाला आहे.अनेक जण हे स्वतःच्याच तळघरात कैद झाले होते आणि तिथेच पुरामुळे त्यांचा मृत्यू झाला. वादळामुळे अमेरिकेच्या अनेक भागांमध्ये विक्रमी पाऊस झाला आहे.रस्त्यांना नद्यांचं स्वरुप आलं असून सर्वत्र पाणी साचल्याने सबवे सेवा बंद झाली आहे.न्यूयॉर्कमधील परिस्थिती तर इतकी भीषण आहे की, महापौर बिल दि ब्लासिओ यांनी एका रात्रीसाठी आणीबाणी घोषित केली होती.इडा चक्रीवादळामुळे ईशान्य अमेरिकेला मोठा फटका बसला आहे.वादळामुळे अनेक उड्डाणे रद्द करावी लागली आहेत.ला गार्डिया आणि जेएफके विमानतळ तसेच नेवार्क विमानतळावरून शेकडो उड्डाणे रद्द करण्यात आली आहेत.विमानतळाचे टर्मिनल पावसाच्या पाण्याने भरलेले असल्याचे एका व्हिडिओमध्ये दिसून आले आहे."आम्ही सगळे या पूरपरिस्थितीत सोबत आहोत. देशातील लोक एकमेकांना करण्यास तयार आहे," असं अध्यक्ष जो बायडेन शुक्रवारी दक्षिणेकडील लुईझियाना राज्याच्या दौऱ्यापूर्वी म्हणाले. लुईझियाना राज्याला इडा चक्रिवादळाचा मोठा फटका बसला असून तिथं अनेक इमारती उद्ध्वस्त झाल्या आहेत.न्यू जर्सीचे गव्हर्नर फिल मर्फी यांनी वादळामुळे २३ लोकांचा मृत्यू झाल्याची पुष्टी केली आहे.वाहनांमध्ये अडकून बहुतांशी लोकांना मृत्यू झालाय. न्यूयॉर्क शहरात १२ लोकांचा मृत्यू झाला, त्यापैकी ११ जणांना तळघरातून बाहेर पडता न आल्याने जीव गमवावा लागला.(सर्व फोटो सौजन्य : Reuters)