“पवार परिवारानं महाराष्ट्राला खूप लुटलंय”; अजित पवारांच्या पत्नीबरोबरच आईचाही उल्लेख करत शेकडो कोटींच्या घोटाळ्याचा आरोप

1/15

भाजपाचे नेते किरीट सोमय्या यांनी राज्याचे उपमुख्यमंत्री अजित पवार यांच्यासहीत पवार कुटुंबावर भ्रष्टाचारचे गंभीर आरोप केले आहेत.

2/15

मी दिवाळीनंतर बोलणार होता, पण पवार साहेबांना घाई झालीय, असं यावेळी सोमय्या यांनी म्हटलं आहे.

3/15

यावेळी सोमय्या यांनी पवारांबरोबरच मुख्यमंत्री उद्धव ठाकरे आणि सत्ताधारी महाविकास आघाडीवरही निशाणा साधलाय.

4/15

आपण तीन जावयांचा घोटाळा समोर आणणार असं म्हणालो होतो त्याप्रमाणे आज आपण पवारांचे जावाई मोहन पाटील यांच्या मार्फत झालेल्या व्यवहारांवर बोलणार असल्याचं सांगत सोमय्या यांनी हे आरोप केलेत.

5/15

जरंडेश्वर साखर कारखान्याच्या माध्यमातून अजित पवारांच्या खात्यात शेकडो कोटी आलेत. हे पैसे बिल्डरांनी दिले आहेत. हे सर्व सर्व त्यांनी कुटुंबियांच्या खात्यात वळवल्याचा आरोप सोमय्यांनी केलाय.

6/15

ए.ए.पवार यांच्याबरोबरच अजित पवार यांनी स्वत:च्या आईच्या खात्यातही हे पैसे वळवल्याचा गंभीर आरोप सोमय्या यांनी केलाय.

7/15

मोहन पाटील, वियजा पाटील, सुनेत्रा पवार यांचे सगळे काळेकारभार तिकडनंच होतात, असंही सोमय्या म्हणालेत.

8/15

पवारांनी हे नवाब मलिकांना आता पुढे करत असल्याचंही सोमय्या म्हणाले आहेत.

9/15

वानखेडेंच्या पहिल्या लग्नाच्यावेळी ते का गप्प बसले?, सेवेत आले तेव्हा का गप्प बसले?, असा प्रश्न सोमय्या यांनी मलिक यांना विचारला आहे.

10/15

पवार परिवारानं महाराष्ट्राला खूप लुटलंय, असंही सोमय्या यांनी म्हटलं आहे.

11/15

नवाब मलिक रोज उठून दाऊद दाऊद करतात कारण हे नाव त्यांना अत्यंत जवळचं आहे, असा टोलाही सोमय्या यांनी लगावलाय.

12/15

हे (फडणवीसांवर आरोप करण्याचं) घाणेरडं राजकारण केवळ उद्धव ठाकरे, शरद पवारच करू शकतात, नवाब मलिकांची तेवढी कुवत नाही, असं सोमय्या म्हणालेत.

13/15

अखेर अनिल देशमुख यांना इडीच्या कस्टडीत जावं लागणार आहे असंही सोमय्या म्हणाले आहेत.

14/15

अखेर अनिल देशमुख यांना इडीच्या कस्टडीत जावं लागणार ते आले स्वतःच्या गाडीने परंतु जाणार इडीच्या कस्टडीत असा टोला किरीट सोमय्या यांनी लगावला आहे.

15/15

शरद पवार आणि उद्धव ठाकरे यांच्याकडे हे पैसे कसे वळवले जात होते हे अनिल देशमुख यांना सांगावं लागणार असल्याचं वक्तव्य सोमय्या यांनी केलं आहे.