Photos: शुभमंगलच्या मुहूर्तावर पवारांची एन्ट्री, राऊतांनी जावयाचं औक्षण होताच…; संजय राऊतांच्या मुलीच्या लग्नातील क्षण

शिवसेना खासदार संजय राऊत यांची कन्या पूर्वशी राऊत यांचा विवाह आज पार पडत आहे.ठाण्याचे जिल्हाधिकारी राजेश नार्वेकर यांचे चिरंजीव मल्हार हे पूर्वशी यांच्यासोबत आज लग्नबंधनात अडकत आहेत.याच विवाहसोहळ्यातील काही क्षण समोर आले असून यामध्ये संजय राऊत हे त्यांचे जावई मल्हार यांना हॉलेमध्ये घेऊन जाताना दिसत आहेत.मल्हार हे हॉलच्या प्रवेशद्वाराजवळ आल्यानंतर औक्षण करून त्यांचं स्वागत करण्यात आलं.मल्हार यांचं औक्षण झाल्यानंतर राऊत यांनी आपल्या शेरवानीच्या खिशात हात घातला.राऊत यांनी आपल्या खिशामधून काही नोटा काढल्या.राऊत यांनी या नोटा मल्हार यांच्या डोक्यावरुन ओवाळून टाकल्या.राऊत हे मागील काही दिवसांपासून या लग्नाच्या निमित्ताने वेगवेगळ्या राजकीय नेत्यांच्या भेटी घेत होते. लग्नाची आमंत्रणे करण्यासाठी राऊत या भेटी घेत होते.या लग्नाला राष्ट्रवादी काँग्रेसचे सर्वेसर्वा शरद पवारही उपस्थित होते.शरद पवार हे त्यांच्या पत्नीसहीत लग्नाला हजर होते.लग्न लागण्याच्या मुहूर्तावरच शरद पवार हॉलवर पोहचले.माजी केंद्रीय मंत्री आणि राष्ट्रवादीचे नेते प्रफुल्ल पटेलही या लग्नाला उपस्थित असणाऱ्या बड्या नेत्यांपैकी एक होते.