मांजरीला वाचवताना २४ वर्षीय पुणेकर वेताळ टेकडीवरुन पडल्यानंतर जागं झालं प्रशासन, आता... | vetal tekdi pune man fell into 70 ft deep open quarry forest department now initiated work installing fencing photos sdn 96

पुणे : मांजरीला वाचवण्याच्या प्रयत्नांत असताना तोल जाऊन २४ वर्षीय तरुण ७० फुट खोल खाणीत पडला.पुण्यातील वेताळ टेकडी इथे ही घटना घडली. रामदास उभे असं या तरुणाचं नाव असून तो सकाळी ७ वाजण्याच्या सुमारास आपल्या दोन बहिणींसह वेताळ टेकडीवर फिरायला आला होता. टेकडीवरून पडणाऱ्या मांजराला वाचविण्याच्या प्रयत्न करत असताना तोल जाऊन तो खाणीत पडला. याची माहिती मिळताच अग्निशमन दल तातडीने घटनास्थळी पोहोचले आणि तरुणाला सुखरूप बाहेर काढले. रामदास उभे खाणीतील झाडाझुडपांत अडकल्यामुळे त्याच्या पायाला फ्रॅक्चर झाले असून त्याला रुग्णालयात दाखल करण्यात आले.या दुर्घटनेनंतर प्रशासानाला जाग आली असून आता या ठिकाणी तारेचं कुंपण उभारलं जात आहे. (सर्व फोटो : आशिष काळे, इंडियन एक्सप्रेस)