Photos: पुण्यातील ‘काळ’रात्र… मॉलचं बांधकाम सुरु असतानाच सळ्यांचा सांगाडा कोसळून पाच जणांचा मृत्यू

1/9

पुण्यातील येरवड्यामधील शास्त्रीनगर परिसरात वाडिया बंगल्याजवळ इमारतीच्या स्लॅबची जाळी कोसळून पाच कामागारांचा मृत्यू झाल्याची घटना गुरुवारी रात्री (३ फेब्रुवारी २०२२ रोजी) घडली. (सर्व फोटो : आशिष काळे, एक्सप्रेस फोटो)

2/9

या अपघातामध्ये अन्य पाच कामगार गंभीर जखमी झाले आहेत. पाच कामगारांचा मृत्यू झाल्याच्या वृत्ताला वाहतूक पोलीस उपायुक्त राहुल श्रीरामे यांनी दुजोरा दिलाय.

3/9

या घटनेबाबत राहुल श्रीरामे यांनी दिलेल्या माहितीनुसार, वाडिया बंगल्याजवळ एका मॉलचे बांधकाम सुरु आहे त्याच ठिकाणी ही दुर्घटना घडलीय.

4/9

रात्री साडेदहा वाजण्याच्या सुमारास काम सुरु असतानाच अचानक येथील स्लॅबसाठी बांधलेला काही भाग काम करणाऱ्या कामगारांवर कोसळला.

5/9

स्लॅबसाठी लोखंडाच्या सळ्यांची तयार केलेली जाळी कोसळून त्याखाली १० कामगार अडकले.

6/9

घटनेची माहिती मिळताच स्थानिक पोलीस, अग्निशमन दलाच्या गाड्या आणि रुग्णवाहिका घटनास्थळी दाखल झाल्या.

7/9

दोन तासांच्या प्रयत्नानंतर या जळीखाली अडकलेल्या सर्व दहा कामगारांना बाहेर काढण्यात आलं. त्यापैकी पाच जणांचा जागीच मृत्यू झाल्याचं पोलिसांनी स्पष्ट केलंय.

8/9

पाच जखमी कामगारांवर उपचार सुरू असून रात्री उशीरापर्यंत मदतकार्य सुरु होतं.

9/9

अपघातामध्ये मृत्यू झालेले हे कामगार कुठले आहेत आणि नेमके किती कामगार कामावर होते, याबाबत अधिक तपास सुरू आहे.