Photo : जवाहरलाल नेहरूंपासून नरेंद्र मोदींपर्यंत! कसं आहे देशाचं पहिलं पंतप्रधान संग्रहालय?

1/10

दिल्लीच्या मूर्ती भवन परिसरामध्ये पंतप्रधान संग्रहालय तयार करण्यात आलं आहे. याचं उद्घाटन आज (१४ एप्रिल) देशाचे पंतप्रधान नरेंद्र मोदी यांच्या हस्ते करण्यात आलं.

2/10

या संग्रहालयाचं पहिलं तिकिट खुद्द पंतप्रधान नरेंद्र मोदी यांनी खरेदी केलं आहे. संग्रहालयात प्रवेश करताच आतमध्ये दोन्ही बाजूला भारताच्या सर्व पंतप्रधानांची छायाचित्र लावण्यात आली आहेत.

3/10

देशाचं पहिलं पंतप्रधान संग्रहालय मूर्तीभवन परिसरातल्या जवळपास १० हजार चौरस मीटर क्षेत्रात उभं राहिलं आहे.

4/10

गेल्या चार वर्षांपासून या संग्रहालयाचं बांधकाम सुरू होतं. अखेर आज त्याचं उद्घाटन मोदींच्या हस्ते करण्यात आलं.

5/10

या संग्रहालयात देशाचे माजी पंतप्रधान दिवंगत लाल बहादूर शास्त्री यांचं भाषण देखील ऐकता येणार आहे.

6/10

त्याचप्रमाणे लाल किल्ल्यावरून देशाच्या पंतप्रधानांनी दिलेली भाषणं देखील इथे ऐकता येतील.

7/10

संग्रहालयात देशाच्या आत्तापर्यंतच्या सर्व पंतप्रधानांशी संबंधित कादगपत्र देखील ठेवण्यात आली आहेत.

8/10

या संग्रहालयाला अत्याधुनिक तंत्रज्ञानाची देखील जोड देण्यात आली आहे. इथे एक फ्लाइंग पॉड तयार करण्यात आला आहे. यामध्ये बसून आपण भविष्यात तयार होणाऱ्या नव्या शहरांचा अनुभव घेऊ शकतो.

9/10

या संग्रहालयात ‘टाईम मशीन’ नावाचा देखील एक विभाग आहे. या विभागामध्ये इतिहासकालीन घटनांची माहिती देणारे अनेक फलक आहेत.

10/10

पंतप्रधानांची माहिती देण्यासोबतच त्यांच्या कार्यकाळात घडलेल्या महत्त्वाच्या घटनांची देखील छायाचित्रे संग्रहालयात पाहायला मिळतात. (सर्व फोटो : इंडियन एक्स्प्रेस – अभिनव साहा)