Photos : …अन् रोहित पवारांनी बनवल्या पुरणपोळ्या; नागपूर दौऱ्यादरम्यानचे खास फोटो केले शेअर

कर्जत-जामखेड मतदारसंघाचे राष्ट्रवादी काँग्रेस पक्षाचे आमदार रोहित पवार सध्या नागपूर दौऱ्यावर आहेत. रोहित पवार सोशल मीडियावरही सक्रिय असतात. कामाबद्दल आणि अन्य अनेक गोष्टींबद्दलची माहिती सोशल मीडियावरून ते सगळ्यांपर्यंत पोहचवत असतात. नुकतंच त्यांनी नागपूर दौऱ्यादरम्यानचे खास फोटो सोशल मीडियावर शेअर केले आहेत. नागपूर दौऱ्यादरम्यान रोहित पवारांनी एका कार्यकर्त्याच्या घरी पुरणपोळ्यांचा आस्वाद घेतला. रोहित पवारांनी फक्त पुरणपोळ्यांच्या आस्वादच घेतला नाही तर चक्क पुरणपोळ्या देखील बनवल्या. पुरणपोळ्या बनवण्याचा अनुभव रोहित पवारांनी सोशल मीडियावर पोस्टद्वारे शेअर केला आहे. पोळी बनवण्याचा प्रयत्न केला. पण त्यात थोड्याफार प्रमाणातच यश आलं असल्याचं रोहित पवारांनी त्यांच्या पोस्टमध्ये म्हटलं आहे. नागपूर दौऱ्यावर असताना काटोल येथील राष्ट्रवादीचे कार्यकर्ते प्रवीण मुनिराज राजणे यांच्या सोनोली येथील निवासस्थानी रोहित पवारांनी भेट दिली. यावेळी राजणे कुटुंबीयांनी रोहित पवारांसाठी खास पुरणपोळीचा बेत केला होता. "राजणे कुटुंबीयांनी आग्रहाने आणि आपुलकीने पुरणपोळ्या खाऊ घातल्या. एक वेगळ्या पद्धतीने बनवलेल्या या अप्रतिम चवीच्या पुरणपोळ्या खाऊन मन तृप्त झालं.", असं रोहित पवारांनी शेअर केलेल्या पोस्टमध्ये म्हटलं आहे. (सर्व फोटो : रोहित पवार/ इन्स्टाग्राम)