PHOTOS: इंडोनेशियात नाराज चाहत्यांचा मैदानात गोंधळ; हिंसाचारात १७४ जणांचा मृत्यू, घटनेची विदारक दृश्य समोर

इंडोनेशियात फुटबॉल सामन्यादरम्यान घडलेल्या हिंसाचारात तब्बल १७४ जणांनी जीव गमावला आहे. या दूर्घटनेत १८० हून जास्त लोक जखमी झाले आहेत. (फोटो सौजन्य-रॉयटर्स) 'अरेमा एफसी' आणि 'पर्सेबाया सुराबाय' या संघांच्या सामन्यादरम्यान ही भीषण घटना घडली आहे. पर्सेबाया सुराबायकडून पराभव झाल्यानंतर अरेमा एफसी संघाच्या चाहत्यांनी मैदानावर गोंधळ घातला. या घटनेत शेकडो लोकांचा मृत्यू झाला. इंडोनेशियातील पूर्व जावा भागात ही घटना घडली आहे. नाराज चाहत्यांना हुसकवण्यासाठी पोलिसांनी अश्रू धुराच्या कांड्यांचा मारा केला. त्यामुळे मैदानावर चेंगराचेंगरी झाली. इंडोनेशियात पुढील वर्षी मे आणि जूनमध्ये फिफाच्या २० वर्षांखालील खेळाडूंच्या विश्वचषकाचे आयोजन करण्यात येणार आहे. त्यापूर्वी घडलेल्या या घटनेनं खेळाडूंच्या सुरक्षिततेवर प्रश्नचिन्ह निर्माण केले आहे. चेंगराचेंगरीत बेशुद्ध झालेल्या चाहत्यांना रुग्णालयात दाखल करण्यात आले. या घटनेनंतर इंडोनेशिया बीआरआई लीगचे सर्व सामने एक आठवड्यासाठी स्थगित करण्यात आले आहेत. पराभवामुळे निराश झालेल्या चाहत्यांनी वाहनांची तोडफोड करत जाळपोळ केली. 'फुटबॉल असोसिएशन ऑफ इंडोनेशिया'कडून या हिंसाचाराची चौकशी करण्यात येणार आहे. पोलिसांनी सामन्यांदरम्यान बंदुक किंवा अश्रू धुराचा वापर करू नये, असे फिफाच्या सुरक्षा नियमांमध्ये नमुद आहे. मात्र, तरीही चाहत्यांवर अश्रू धुराचा वापर करण्यात आल्याचे पुढे आले आहे. चाहत्यांमध्ये झालेल्या हिंसाचारात गोलपोस्टचे नुकसान झाले. मैदानावरील हिंसाचारानंतर स्टेडियममध्ये असे विदारक दृश्य होते. (फोटो सौजन्य-रॉयटर्स)