Indian Air Force Day : भारतीय वायुदलाच्या नव्या लढाऊ गणवेशाचे अनावरण; कसा आहे नवा गणवेश? पाहा PHOTO

भारतीय वायुदलाचा लढाऊ गणवेश बदलवण्यात आला असून शनिवारी चंदीगड येथे झालेल्या एअर फोर्स डे परेडमध्ये नव्या गणवेशाचे अनावरण करण्यात आले. हा गणवेश वायुदलाचे ऑपरेशन लक्षात घेऊन डिझाईन करण्यात आला आहे. यात बूट, टी-शर्ट, वेब बेल्ट आणि टोपीचाही समावेश करण्यात आला आहे. वायुदलाचे प्रमुख एअर चीफ मार्शल व्ही.आर. चौधरी यांच्या उपस्थितीत या गणवेशाचे अनावरण करण्यात आले. १९३२ मध्ये युके रॉयल सैन्यात एअर फोर्सचा अधिकृत समावेश करण्यात आला होता. त्यामुळे हा दिवस वायुसेना दिवस म्हणून साजरा केला जातो. केंद्र सरकारने वायुदलासाठी नवीन शस्त्र प्रणाली मंजूर केली असल्याची माहितीही यावेळी एअर चीफ मार्शल चौधरी यांनी दिली. तसेच पुढील वर्षापासून वायुदलात महिला अग्निवीरांचा समावेश करण्यात येणार असल्याचेही त्यांनी सांगितले. यावेळी विंग कमांडर विशाल जैन यांच्या नेतृत्वाखाली ३ Mi-17 V5 हेलिकॉप्टरचे प्रात्याक्षिकही सादर करण्यात आले. यावेळी वायुदलातील अनेक वरिष्ठ अधिकारी आणि रक्षा मंत्रालयातील अधिकारी उपस्थित होते. या वर्षीच्या सोहळ्याची थीम 'IAF: ट्रान्सफॉर्मिंग फॉर द फ्युचर' अशी होती.