Photos : तलवारीने वार, पोलिसांनी बंदुका काढल्या तरी मागे हटेना, आफताबवर हल्ला झाला तेव्हा नेमकं काय घडलं? पाहा …

श्रद्धा वालकर हत्या प्रकरणातील आरोपी आफताब पुनावाला याच्यावर दिल्लीत तलवारीने हल्ला करण्याचा प्रयत्न झाला आहे. आफताबची पॉलीग्राफ चाचणी झाल्यानंतर त्याला पुन्हा तुरुंगात नेलं जात होतं. त्यावेळी हा तलवारीने हल्ला करण्याचा प्रयत्न झाला. हल्ला करणाऱ्यांनीते हिंदू सेनेचे सदस्य असल्याचं सांगितलं. या पार्श्वभूमीवर हा हल्ला झाला तेव्हा नेमकं काय घडलं? याचा हा आढावा... आफताबची श्रद्धा वालकर हत्या प्रकरणी सकाळपासून दिल्लीत पॉलीग्राफी चाचणी सुरू होती. चाचणी झाल्यानंतर आफताबला सायंकाळी पुन्हा तुरुंगात नेण्यात येत होतं. त्याचवेळी तीन-चार जणांनी तलवार घेऊन येत गाडीवर हल्ला चढवला. हल्लेखोर तलवारीने वार करत असताना त्यांना रोखण्यासाठी एका पोलीस अधिकाऱ्याने आपली बंदुक काढून हवेत गोळी झाडण्याचाही इशारा दिला. मात्र, पोलिसांनी रोखण्याचा प्रयत्न करूनही आरोपींनी तलवारींनी पोलीस व्हॅनवर वार करणे सुरुच ठेवले. अखेर गाडी चालकाने हा हल्ला करण्याचा प्रयत्न होत असताना गाडी पुढे नेली. पोलिसांनी हल्लेखोरांना आफताबपर्यंत पोहचू दिलं नाही. या हल्ल्यात आफताबला कोणतीही दुखापत झालेली नाही. पोलिसांनी सर्व आरोपींना ताब्यात घेतलं आहे. हल्ला केल्यानंतर हल्लेखोराने त्याची ओळख माध्यमांना हिंदू सेनेचा राज्याध्यक्ष कुलदीप ठाकूर अशी करून दिली. हल्लेखोर कुलदीप ठाकूरने हा हल्ला करण्यामागील कारणं सांगितली. ती खालीलप्रमाणे, जर आमच्या बहिणी आणि मुलीच सुरक्षित नसतील, तर आम्ही जगून काय करू? आम्ही आफताबला मारून टाकू - कुलदीप ठाकूर मी दोन मुलींचा बाप आहे. आम्ही आफताबला तलवारने नाही, तर बंदुकीने गोळीही मारू - कुलदीप ठाकूर आम्ही हिंदू सेनेचे सदस्य आहोत. आम्ही एकूण १० लोक आफताबवर हल्ला करण्यासाठी आलो होतो. मी कुलदीप ठाकूर हिंदू सेनेचा राज्याध्यक्ष आहे - कुलदीप ठाकूर आरोपींवर कारवाई करणं हे पोलिसांचं काम आहे, देशात कायदा आहे, तुम्ही कायदा हातात घेणार का? असा प्रश्न पत्रकारांनी हल्लेखोरांना विचारला. त्यावर हल्लेखोर ठाकूर म्हणाला, "पोलीस तर आरोपीला सुरक्षा देत आहेत." कायद्याने त्या मुलीला वाचवलं का? - कुलदीप ठाकूर हे सर्वांना लक्ष्य करतात - कुलदीप ठाकूर दोन मिनिटे त्याला गाडीबाहेर काढा. आम्ही त्याला फाडून टाकू - कुलदीप ठाकूर त्याने कुणाच्या तरी मुलीला मारलं आहे. त्याने त्या मुलीचे ३५ तुकडे केले आहेत - कुलदीप ठाकूर आरोपींकडून पोलिसांनी तलवारी जप्त केल्या. (सर्व फोटो सौजन्य - एएनआय, लोकसत्ता ग्राफिक्स टीम)