देवभूमीत आता आशियातील पहिली ‘वॉटर मेट्रो’, कोची शहर आणि आसपासची १० बेटं जोडली जाणार

केरळ सरकारच्या महत्त्वाकांक्षी कोची वॉटर मेट्रो मंगळवारी (२५ एप्रिल) रोजी सुरू झाली. (पीटीआय फोटो) विशेष म्हणजे आशियातील ही पहिली वॉटर मेट्रो आहे. वॉटर मेट्रोद्वारे कोची शहर आणि आसपासची १० बेटं जोडली जाणार आहेत. (पीटीआय फोटो) हा बहुचर्चित प्रकल्प १,१३६.८३ कोटी रुपये खर्चून उभारण्यात आला आहे. या प्रकल्पाअंतर्गत आगामी काळात ३८ टर्मिनल्सवर ७८ इलेक्ट्रिक बोटी धावतील. (पीटीआय फोटो) पहिल्या टप्प्यात कोचीन शिपयार्ड लिमिटेडच्या अंतर्गत आठ इलेक्ट्रिक हायब्रिड बोटी धावणार आहेत. (पीटीआय फोटो) पहिल्या टप्प्यात हायकोर्ट-वायपिन टर्मिनल आणि व्यित्तला-कक्कनड टर्मिनल दरम्यान वॉटर मेट्रो धावेल. (पीटीआय फोटो) प्रवासी कोणत्याही वाहतूक कोंडीचा सामना न करता अवघ्या २० मिनिटांपेक्षा कमी वेळात हायकोर्ट टर्मिनल ते वायपिन टर्मिनलपर्यंत पोहोचता येणार आहे. हायकोर्ट-वायपिन टर्मिनलदरम्यानच्या प्रवासासाठी प्रवाशांना २० रुपये तिकीट असेल व्यित्तला-कक्कनड टर्मिनलदरम्यान प्रवासासाठी प्रवाशांना ३० रुपये मोजावे लागतील. आता प्रवासी माफक दरात प्रवासी वातानुकूलित वॉटर मेट्रोने प्रवास करू शकतील.