काकड आरती ते शेजारती कसा असेल राम मंदिरातला दिनक्रम?

रामाच्या मंदिरात राम मूर्तीची प्राणप्रतिष्ठा पंतप्रधान नरेंद्र मोदींच्या हस्ते २२ जानेवारीच्या दिवशी करण्यात आली. त्यानंतर राम मंदिर हे दर्शनासाठी खुलं झालं आहे. (सर्व फोटो सौजन्य-रामजन्मभूमी ट्रस्ट) रामाच्या मंदिरात प्राणप्रतिष्ठेच्या आधी विधीवत पूजा करण्यात आली. रामाच्या मंदिरात मंगळवारच्या दिवशी म्हणजेच मंदिर खुलं झाल्यानंतर पहिल्याच दिवशी पाच लाख भक्त आले होते. तसंच आजही मंदिरात गर्दी होती. राम मंदिरातल्या रामाचं दर्शन सुरु झाल्यानंतर आता रामाच्या मूर्तीचं दर्शन घेण्यासाठी भक्तांचा मेळा अयोध्येत जमतो आहे. पाच वर्षांच्या रामाचं रूप हे या मंदिरात पाहण्यास मिळतं आहे. ही मूर्ती कर्नाटकचे शिल्पकार अरुण योगीराज यांनी घडवली आहे. रामाचं हे रुप बाळ रुप आहे. या मंदिरात रोज सकाळी सहा वाजता मंगल आरती केली जाईल. ज्या आरतीला काकड आरतीही म्हटलं जातं. यानंतर राम मंदिरातील राम मूर्तीची सकाळी ७ वाजता श्रृंगार आरती होईल. या आरतीनंतर रामाला नैवैद्य दाखवला जाईल. दुपारी १२ वाजता रामाच्या मूर्तीची माध्यन्ह आरती होईल. त्यानंतर नैवैद्य दाखवला जाईल. रात्री ८ वाजता रामाची संध्या आरती होईल. तर रात्री १० वाजता शेजारती केली जाणार आहे. त्यानंतर मंदिर बंद होईल जे आत्ता दर्शनासाठी सुरु ठेवण्यात आलं आहे. राम मंदिरात सध्या खूप गर्दी होते आहे. रामाच्या मंदिराची प्रतीक्षा मोठ्या संघर्षानंतर संपली आहे.