मुंबईतल्या अनेक भागांत पसरला अंधार, रात्रभर कोसळधार; राज्यात कुठे कशी आहे स्थिती? वाचा पावसाच्या महत्वपूर्ण अपडेट्स

राज्यात अनेक भागांत मुसळधार पाऊस सुरू असून विशेषतः मुंबई, कोकण, पश्चिम महाराष्ट्रात पुढील काही तास जोरदार पाऊस पडण्याची शक्यता हवामान विभागाने वर्तवली आहे. (संग्रहित फोटो) राज्यातील धुवाधार पावसामुळे नागरिकांची तारांबळ उडाली आहे. (संग्रहित फोटो) मुंबई, पुणे, कोल्हापूर, सांगलीमध्ये तर पावसाचे भयानक रुप पाहायला मिळत आहे. (संग्रहित फोटो) त्यात कोल्हापूरला गेल्या पाच दिवसांपासून पावसाने झोडपले आहे. येथील राजाराम बंधाऱ्यासह रुई, इचलकरंजी, येवलुज, शिरोळ हे बंधारे पाण्याखाली गेली आहेत. (संग्रहित फोटो) तसेच अतिवृष्टीमुळे शेतीत पाणी घुसल्याने शेतकऱ्यांचे मोठे नुकसान झाले आहे. (संग्रहित फोटो) मुंबईत ढग दाटलेमुंबईच्या पश्चिम उपनगरात सकाळपासूनच पावसाचा जोर वाढला आहे. तर दक्षिण मुंबईतही अतिमुसळधार पाऊस कोसळत आहे. (संग्रहित फोटो) अंधार पसरलातर अंधेरी, वांद्रे, गोरेगाव परिसरात सगळीकडे अंधार पसरला आहे. मुंबईसह उपनगर, ठाणे आणि पालघर जिल्ह्यात पावसाचा यलो अॅलर्ट देण्यात आला आहे. (संग्रहित फोटो) मुंबईत रात्रभर तुफान पाऊस झाला. तर आज सकाळी देखील कोसळधारांसह पाऊस सुरु आहे. (संग्रहित फोटो) सीएसएमटी, जेजे उड्डाणपूल परिसरात जोरदार पावसाने हजेरी लावली. मंत्रालय, चर्चगेट रेल्वे स्टेशन परिसरात पाणीच पाणी साचले आहे. (संग्रहित फोटो) हेही पाहा- वैष्णवीची आत्महत्या, मोठ्या सुनेचाही छळ; हगवणे कुटुंबाचा मुख्य व्यावसाय काय? मयुरी जगतापने सगळं सांगितलं…