Photos: ब्रिटनमध्ये MBA करायचंय? UK देतंय थेट ₹१९ लाखांची स्कॉलरशिप – जाणून घ्या अर्ज करण्याची प्रक्रिया….

ब्रिटनमध्ये MBA साठी शिष्यवृत्ती मिळवा लाखो रुपयांची मदतस्कॉटलंडमधील ग्लासगो विद्यापीठाने परदेशी विद्यार्थ्यांसाठी ‘ग्लासगो MBA शिष्यवृत्ती २०२५’ जाहीर केली आहे. प्रतिभावान विद्यार्थ्यांना आर्थिक मदत देऊन, ब्रिटनमध्ये MBA शिक्षणासाठी प्रोत्साहन देणे हा या योजनेचा उद्देश आहे. या योजनेंतर्गत पात्र उमेदवारांना ₹१९ लाखांपर्यंतची शिष्यवृत्ती मिळू शकते. ही शिष्यवृत्ती मिळाल्यास विद्यार्थ्यांना १८,७५० युरो (सुमारे ₹१८.८६ लाख) इतकी रक्कम दिली जाते. ही मोठी आर्थिक मदत असून, त्यामुळे ब्रिटनमध्ये MBA करणं खूप सोपं आणि परवडू शकतं. ही योजना अशा प्रकारे तयार करण्यात आली आहे की, वेगवेगळ्या पार्श्वभूमीतील विद्यार्थ्यांना शैक्षणिक संधी मिळावी आणि शिक्षणातील विविधता, समानता व समावेश वाढावा. ब्रिटन हा जगातील सर्वांत महागड्या देशांपैकी एक मानला जातो. त्यामुळे येथे शिक्षण घेण्यासाठी शिष्यवृत्ती मिळवणे फार महत्त्वाचे ठरते. कारण- फक्त शिक्षण शुल्कच नाही, तर येथील राहणे, खाणे, प्रवास आणि इतर वैयक्तिक खर्चदेखील भरमसाट असतात. अशा परिस्थितीत शिष्यवृत्ती मिळणे हा विद्यार्थ्यांसाठी मोठा आर्थिक आधार ठरतो. ग्लासगो विद्यापीठातर्फे ही शिष्यवृत्ती निवडक देशांतील विद्यार्थ्यांना एकदाच दिली जाते आणि त्यामध्ये भारताचा समावेश आहे. म्हणजेच भारतासारख्या देशांतील पात्र विद्यार्थ्यांना या शिष्यवृत्तीच्या माध्यमातून MBA अभ्यासक्रमासाठी आर्थिक मदत मिळू शकते. ही संधी खास करून मेहनती, हुशार आणि विविध पार्श्वभूमीतील विद्यार्थ्यांसाठी आहे. ग्लासगो विद्यापीठाची ही शिष्यवृत्ती त्याच विद्यार्थ्यांना दिली जाते, ज्यांना विद्यापीठाकडून MBA अभ्यासक्रमासाठी विनाअट ऑफर मिळाली आहे,किंवा इंग्रजी प्रावीण्य चाचणीत चांगल्या कामगिरीवर आधारित सशर्त ऑफर मिळाली आहे. त्याशिवाय विद्यार्थ्यांनी विद्यापीठाची मुलाखतही यशस्वीपणे पूर्ण केलेली असणे आवश्यक आहे. ही शिष्यवृत्ती सप्टेंबर २०२५ पासून सुरू होणाऱ्या अभ्यासक्रमासाठी लागू आहे. शिष्यवृत्तीसाठी अर्ज प्रक्रिया सोपी आहे. तरी ती काळजीपूर्वक पूर्ण करणे गरजेचे आहे. सर्वप्रथम विद्यार्थ्यांना विद्यापीठात एमबीए अभ्यासक्रमासाठी अर्ज करावा लागतो. विद्यापीठाकडून प्रवेश मंजूर झाल्यानंतरच शिष्यवृत्तीसाठी अर्ज करता येतो. प्रवेशपत्र मिळाल्यानंतर विद्यार्थ्यांना विद्यापीठाच्या ऑनलाइन पोर्टलवर जावे लागेल. तिथे त्यांना ग्लासगो एमबीए शिष्यवृत्तीसाठीचा अर्ज मिळेल. हार्ज सर्व आवश्यक कागदपत्रांसह काळजीपूर्वक भरणे गरजेचे आहे. आवश्यक कागदपत्रांमध्ये शैक्षणिक गुणपत्रिका, पदवी प्रमाणपत्रे, चाचण्यांचे गुण यांचा समावेश असतो. ही सर्व कागदपत्रे .jpg, .jpeg किंवा .pdf फॉरमॅटमध्ये अपलोड करावी लागतात. कोणतीही फाइल ५ एमबीपेक्षा जास्त नसावी. एकूण अपलोड मर्यादा १० एमबी इतकी आहे. अधिक माहितीसाठी, विद्यार्थी scholarships@glasgow.ac.uk वर अर्ज करू शकतात.