नॉमिनी की कायदेशीर वारस? तुमच्या बँक खात्यातील पैसे कोणाला मिळतात? RBI चा नियम जाणून घ्या

तुम्ही तुमच्या बँकेतील खात्याला नॉमिनी व्यक्ती जोडला आहे का? याचे नेमके काय फायदे तोटे होतात तुम्हाला माहिती आहे का? चला जाणून घेऊया.. आजच्या डिजिटल युगात, बँक खाते असणे ही केवळ आवश्यकता नाही, तर ती एक गरज बनली आहे. पगारापासून ते सरकारी सब्सिडीपर्यंत सर्व काही तुमच्या खात्यातूनच दिले जाते. पण जर खातेधारकाचा अचानक मृत्यू झाला तर खात्यातील शिल्लक कोणाला मिळेल? तर याचे उत्तर आहे नॉमिनीला मिळेल. नॉमिनी म्हणजे अशी व्यक्ती असेते जिला तुम्ही बँकेत लेखी अधिकार देता की तो तुमच्या अनुपस्थितित खात्यातून पैसे काढू घेऊ शकतो. आरबीआय आणि बँकांनी आता नॉमिनीची माहिती देणे जवळजवळ अनिवार्य केले आहे. कुटुंबाला लांबलचक कायदेशीर प्रक्रियेतून जावे लागत नाही. तुमच्या जवळची कोणतीही व्यक्ती नॉमिनी असू शकते, जसे की जोडीदार, मुले, पालक किंवा भावंडे. यामुळे पैसे योग्य व्यक्तीपर्यंत सहज पोहोचणार की नाही याची काळजी उरत नाही.. नॉमिनी म्हणून तुमचे नाव असेल तर क्लेम करणे सोपे होते. तुम्हाला फक्त मृत्यू प्रमाणपत्र आणि ओळखपत्र द्यावे लागेल आणि बँक थेट बँक बॅलन्स ट्रान्सफर करेल. जर नॉमिनी रजिस्टर केलेला नसेल तर प्रकरण गुंतागुंतीचे होते आणि पैसे मिळविण्यासाठी सक्सेशन सर्टिफिकेट आणि कोर्ट प्रोसेस करावी लागते. बँक खाते उघडताना नॉमिनी देणे महत्त्वाचे आहे कारण हे छोटेसे पाऊल तुमच्या कुटुंबाला कायदेशीर आणि आर्थिक अडचणींपासून वाचवू शकते.