मुंबईत चेन्नई ‘एक्स्प्रेस सुस्साट’! पाहा अंतिम फेरीत चेन्नईच्या विजयाची खास क्षणचित्रे

1/10

सामन्यात नाणेफेक जिंकून चेन्नईने प्रथम गोलंदाजी करण्याचा निर्णय घेतला. हैदराबादची सुरुवात फारशी चांगली झाली नाही, श्रीवत्स गोस्वामी धावबाद होऊन माघारी परतला. मात्र यानंतर कर्णधार केन विल्यमसनने शिखर धवन व अन्य फलंदाजांना सोबत घेऊन आपल्या संघाचा डाव सावरला.

2/10

मात्र चेन्नईच्या गोलंदाजांनी ठराविक अंतराने हैदराबादच्या फलंदाजांना बाद करण्याचा सपाटा सुरुच ठेवला. याच कारणामुळे हैदराबादचे फलंदाज मोठी भागीदारी उभारु शकले नाहीत.

3/10

मधल्या फळीत युसूफ पठाणने फटकेबाजी करत सनराईजर्स हैदराबाद संघाला सामन्यात परत आणलं.

4/10

युसूफ पठाणचा साथीदार कार्लोस ब्रेथवेटनेही अखेरच्या षटकांमध्ये फटकेबाजी करत संघाला १७८ धावांपर्यंत मजल मारुन दिली.

5/10

हैदराबादने दिलेल्या आव्हानाचा पाठलाग करताना चेन्नईची सुरुवात अडखळती झाली. सलामीवीर फाफ डु प्लेसिस संदीप शर्माच्या गोलंदाजीवर स्वस्तात माघारी परतला.

6/10

मात्र यानंतर सुरेश रैना-शेन वॉटसन जोडीने चेन्नईचा डाव सावरला. या दोघांमध्येही दुसऱ्या विकेटसाठी शतकी भागीदारी झाली. या भागीदारीमुळे हैदराबादचा संघ सामन्यात बॅकफूटलला ढकलला गेला.

7/10

शेन वॉटसनने हैदराबादच्या गोलंदाजांवर हल्लाबोल करत शानदार शतक झळकावलं.

8/10

सुरेश रैना माघारी परतल्यानंतर शेन वॉटसनने अंबाती रायडूच्या साथीने चेन्नईच्या विजयावर शिक्कामोर्तब केलं.

9/10

अंबाती रायडूने विजयी फटका खेळल्यानंतर चेन्नईचा संघ मैदानात येऊन एकच जल्लोष करायला लागला.

10/10

अकराव्या हंगमाच्या विजेतेपदाची ट्रॉफीसोबत जल्लोष करणारा चेन्नईचा संघ. चेन्नईचं आयपीएलमधलं हे तिसरं विजेतेपद ठरलं आहे.