पाकिस्तानी फलंदाजाला वर्ल्ड कपच्या पहिल्याच चेंडूवर बाद करणाऱ्या खेळाडूनं केला साखरपुडा

1/

२०१९च्या विश्वचषक स्पर्धेत भारताला उपांत्य फेरीत स्पर्धेबाहेर व्हावं लागलं. पण पारंपरिक प्रतिस्पर्धी पाकिस्तानला भारताने धूळ चारली.

2/

भारतीय संघात त्यावेळी आपला वर्ल्ड कपमधील पदार्पणाचा सामना खेळणारा एक खेळाडू होता. त्याने आपल्या पहिल्याच चेंडूवर पाकिस्तानी सलामीवीराला माघारी धाडलं होतं.

3/

दमदार कामगिरी करणारा टीम इंडियाचा हा अष्टपैलू खेळाडू प्रेमाच्या पिचवर मात्र 'क्लीन बोल्ड' झाला. हा खेळाडू म्हणजे विजय शंकर…

4/

करोनाकाळात फिरकीपटू युजवेंद्र चहलपाठोपाठ विजय शंकरनेदेखील साखरपुडा केला. त्यानेच आपल्या इन्स्टाग्राम अकाऊंटवरून ही माहिती दिली.

5/

विजय शंकर याने वैशाली विश्वेवरन हिच्यासोबत साखरपुडा केल्याची घोषणा आपल्या इन्स्टाग्रामवरून केली.

6/

विजयने आपल्या इन्स्टाग्राम अकाऊंटवर अंगठीचा इमोजी पोस्ट करत वैशालीसोबत जीवनाची सुरूवात करण्याबाबतची घोषणा केली.

7/

आपल्या साखरपुडा सोहळ्यातील काही क्षणचित्रे त्याने इन्स्टाग्रामवर पोस्ट केली, तर काही फोटो त्याच्या इन्स्टाग्राम स्टोरीवरही पोस्ट केलेली दिसले.

8/

त्याला मिळालेल्या शुभेच्छांपैकी काही शुभेच्छांचे स्क्रीनशॉट त्याने आपल्या इन्स्टास्टोरीवर पोस्ट केले.

9/

टीम इंडियातील आणि IPL मधील त्याच्या सहकाऱ्यांनी त्याच्यावर शुभेच्छांचा वर्षाव केला.

10/

IPLमध्ये सनरायझर्स हैदराबाद संघाकडून विजय खेळणार आहे.