New Zealand Olympic Cyclist Olivia Podmore Dies At Age Of 24 Scsg 91 - Latest Photos | “स्वत:चं घर खरेदी करणे, लग्न, मुलं याऐवजी तुम्ही खेळासाठी…”; मृत्यूपूर्वीच्या ‘तिच्या’ पोस्टमुळे वाढलं गूढ - Watch Sports Gallery Photos at Loksatta.com

ती अवघ्या २४ वर्षांची होती. टोक्यो ऑलिम्पिकची सांगता झाल्यानंतर २४ तासांमध्ये तिचा मृतदेह तिच्या राहत्या घरात आढळून आला.अगदी काल परवापर्यंत ती सोशल नेटवर्किंगवर प्रचंड सक्रीय होती. ऑलिम्पिकमध्ये आपल्या देशाचं प्रातिनिधित्व करणारी ती व्यायाम करतानाचे फोटोही इन्स्टाग्रामवर पोस्ट करायचीइन्स्टाग्रामवर तिचे ६ हजारांहून अधिक फॉलोअर्स होते.काही काळापूर्वीच तिची शस्त्रक्रिया झाल्याचं तिने पोस्ट केलेल्या फोटोंमधून स्पष्ट झालं होतं.एकाकीडे तिचे संघ सहकारी ऑलिम्पिकमध्ये रौप्यपदक जिंकल्याच्या आनंदात असतानाच दुसरीकडे ती मात्र निराश होती. ती निराश असण्याचा आणि तिचा आकस्मिक मृत्यू आत्महत्या असण्याची शंका घेण्यामागील कारण म्हणजे तिची शेवटची इन्स्टाग्राम पोस्ट. ज्यामध्ये तिने समाजाला असणाऱ्या अपेक्षांबद्दल भाष्य केलं होतं. वयाच्या २४ व्या वर्षीच निधन झालेली ही ती आहे, न्यूझीलंडची ऑलिम्पिक सायकपटू ऑलिव्हिया पोडमोअर.२०१६ च्या रिओ ऑलिम्पिकबरोबरच ऑलिव्हियाने २०१८ च्या राष्ट्रकुल स्पर्धांमध्ये ऑलिव्हियाने आपल्या देशाचं प्रतिनिधित्व केलेलं.मात्र त्यावेळी न्यूझीलंडला पदक जिंकण्यात अपयश आलं होतं.नुकत्याच टोक्योमध्ये पार पडलेल्या ऑलिम्पिक स्पर्धांसाठी ऑलिव्हियाची निवड करण्यात आली नव्हती. त्यामुळे ती यंदाच्या ऑलिम्पिकमध्ये संघाचा भाग नव्हती.ऑलिव्हियाच्या आकस्मिक मृत्यूने न्यूझीलंडमधील क्रीडा जगत हळहळलं आहे.न्यूझीलंड पोलिसांच्या प्रवक्त्यांनी दिलेल्या माहितीनुसार वैकाटो येथील राहत्या घरी ऑलिव्हियाचा मृतदेह आढळून आला. न्यूझीलंडच्या उत्तरेकडील एका बेटावर ऑलिव्हियाचे घर असून तिथेच सोमवारी तिचा मृतदेह आढळून आल्याचं पोलिसांनी म्हटलं आहे. ऑलिव्हियाच्या मृत्यू नक्की कसा झाला यासंदर्भात पोलीस सर्व दृष्टीकोनातून प्रकरणाचा तपास करत आहेत.ऑलिव्हियाचा भाऊ मिशेल याने फेसबुकवर एक पोस्ट करत आपल्या बहिणीला श्रद्धांजली अर्पण केलीय. “माझ्या प्रिय बहिणीला आणि फिल मॉमोअर यांच्या मुलीला श्रद्धांजली अर्पण करतो. तू कायमच आमच्या हृदयामध्ये राहशील,” असं ऑलिव्हियाच्या भावाने पोस्टमध्ये म्हटलं आहे.न्यूझीलंडच्या ऑलिम्पिक समितीने दिलेल्या माहितीनुसार टोक्योमध्ये सायकलींगच्या स्पर्धेत सहभागी झालेल्या न्यूझीलंडच्या संघाला ऑलिव्हियाच्या मृत्यूची माहिती मिळालीय."आम्ही तिच्या संघ सहकाऱ्यांना पूर्ण मानसिक आधार आणि हवी ती मदत करण्याची तयारी केली आहे. खेळाडूंनी देशात पतरण्याची आम्ही वाट पाहत आहोत,” असं समितीने म्हटलं आहे. यंदा न्यूझीलंडच्या सायकलींगच्या संघाने ऑलिम्पिकमध्ये दोन रौप्यपदकं जिंकली आहेत. मात्र या संघामध्ये ऑलिव्हियाचा समावेश नव्हता.ऑलिव्हियाचा मृत्यू नैसर्गिक आहे की त्यामागे इतर काही कारणं आहेत यासंदर्भात शंका उपस्थित केली जात आहे. अगदी आताआतापर्यंत सोशल नेटवर्किंगवर सक्रीय असणारी ऑलिव्हियाचा अचानक मृत्यू कसा झाला असा प्रश्न उपस्थित केला जातोय.मात्र ऑलिव्हियाच्या मृत्यूसंदर्भात शंका आणि प्रश्न उपस्थित करण्यामागे एक मोठं कारण आहे. हे कारण म्हणजे ऑलिव्हियाच्या मृत्यूच्या काही तास आधीच तिने इन्स्टाग्रामवर केलेली एक पोस्ट.ऑलिव्हिया तशी फार हॅपी गो लकी गर्ल होती. तिला तिच्या आवडत्या खेळावर म्हणजेय सायकलींगवर फार प्रेम होतं.तिचं इन्स्टाग्राम अकाऊंट पाहिल्यावरच तिच्या या सायकल प्रेमाची झलक पहायला मिळायची.ऑलिव्हियाला सायकलीवर भटकंती फार आवडायची.अनेकदा तर ऑलिव्हिया एकटीच सायकलवरुन भटकंतीसाठी जायची.न्यूझीलंडमधील घाट रस्त्यांवर सायकलींग करताने फोटोही ऑलिव्हिया इन्स्टाग्रामवरुन शेअर करायची.सायकलींगसारख्या खेळात असल्याने व्यापामाला ती कायमच प्राधान्य द्यायची.मात्र पात्र ठरल्यानंतरही ऑलिम्पिकच्या संघातून वगळल्याने ऑलिव्हियाला निराश होती. हीच निराशा तिने मृत्यूपूर्वीच्या शेवटच्या इन्स्टाग्राम पोस्टमधून व्यक्त केलेली.या पोस्टमध्ये ऑलिव्हियाने समाजाला अपेक्षित असणाऱ्या गोष्टी जमल्या नाहीत तर त्याबद्दल बोलणं कठीण असतं असं म्हटलं आहे. “खेळ हा प्रकार आफल्यापैकी अनेकांनी मनोरंजन असला तरी तो एक संघर्ष आहे. ही लढाई असली तरी यात इर्षा आहे," असं म्हणत तिने पोस्टची सुरुवात केली होती.जेव्हा तुम्ही जिंकता तेव्हा तुम्हाला जे वाटतं ते सामान्य आहे. पण जेव्हा तुम्ही पराभूत होता, जेव्हा तुम्ही पात्र ठरता तरी तुमची निवड केली जात नाही, जेव्हा तुम्ही जखमी होता, जेव्हा तुम्ही स्वत:चं घर खरेदी करण्याची समाजाची इच्छा पूर्ण करु शकत नाही, लग्न, मुलं यासारख्या गोष्टींऐवजी तुम्ही तुमच्या आवडत्या खेळासाठी सर्वकाही देता तेव्हा जे वाटतं ते सांगता येणार नाही,” असं ती इन्स्टाग्राम पोस्टमध्ये म्हटली होती.ऑलिव्हियाच्या याच पोस्टमुळे तिच्या मृत्यूबद्दलचं गूढ वाढलं असून पोलीस या प्रकरणाचा सखोल तपास करत आहेत.ऑलिव्हियाच्या मृत्यूनंतर न्यूझीलंडच्या क्रीडा जगतासोबत संपूर्ण सायकलींग जगतालाही धक्का बसला आहे. अनेकांनी ऑलिव्हियाला श्रद्धांजली अर्पण केलीय. ऑलिव्हियाच्या मृत्यूचं गूढ पोलीस तपास पूर्ण झाल्यानंतर उलगडू शकेल असं सांगितलं जात आहे. (सर्व फोटो ऑलिव्हियाच्या इन्स्टाग्राम अकाऊंटवरुन साभार)