cricket year ender 2021 virat kohlis 1 run costs 97 thousand rs cheteshwar pujaras in lakhs rohit sharma is most economical scsg 91 | कोहलीची एक धाव पडली ९६ हजारांना, पुजारी प्रत्येक धाव 'लाख'मोलाची; रोहित सर्वात स्वस्त, त्याची एक धाव...

२०२१ लवकरच निरोप घेणार आहे. भारतीय क्रिकेट संघासाठी हे वर्ष फारसं चांगलं गेलं नाही. भारतीय संघाला यंदा आंतरराष्ट्रीय क्रिकेट परिषद म्हणजेच आयसीसीचे दोन चषक जिंकण्याच्या संधीचं सोनं करता आलं नाही.आधी भारतीय संघाने वर्ल्ड टेस्ट चॅम्पियनशिपच्या अंतिम सामन्यामध्ये न्यूझीलंडकडून पराभूत होऊन कसोटीमधील हे पहिलं जेतेपद जिंकण्याचं स्वप्न भंग केलं.त्यानंतर टी-२० विश्वचषकामध्ये भारतीय संघ सुपर-१२ च्या फेरीमध्येच स्पर्धेबाहेर पडला.याचा परिणाम म्हणून विराट कोहलीकडून एकदिवसीय क्रिकेटचं कर्णधार पद काढून घेण्यात आलं तर टी-२० चं कर्णधार पद त्याने स्वत: सोडलं. सध्या रोहित शर्मा मर्यादित षटकांच्या क्रिकेटमध्ये भारतीय संघाचं नेतृत्व करत आहे.कोहलीकडे कसोटीचं कर्णधार पद कायम आहे. २०२१ मधील खेळाडूंच्या वैयक्तिक प्रदर्शनावर नजर टाकल्यास कोहलीला यंदा आंतरराष्ट्रीय क्रिकेटमध्ये एकही शतक झळकावता आलेलं नाही. यासाठी आता त्याच्याकडे दक्षिण आफ्रिकेविरुद्धच्या पहिल्या कसोटीमध्ये केवळ एक संधी उरलीय.विराटने यंदा ११ कसोटी, तीन एकदिवसीय आणि १० टी-२० सामने खेळले आहेत.बीसीसीआयकडून प्रत्येक कसोटी सामन्यासाठी १५ लाख रुपये, एकदिवसीय सामन्यासाठी सहा लाख तर टी-२० साठी तीन लाख रुपये मानधन देण्यात येतं.म्हणजेच कोहलीला बीसीसीआयकडून यंदा २ कोटी १३ लाख रुपये मानधन खेळलेल्या आंतरराष्ट्रीय सामन्यासाठी मिळालं.तसेच त्याला बोर्डासोबतच्या ए प्लस श्रेणीमधील करारानुसार वर्षाचे सात कोटी रुपये देण्यात आले.म्हणजेच विराटला यंदा बीसीसीआयकडून ९ कोटी १३ लाख रुपये मिळाले. विराटने सर्व प्रकारच्या क्रिकेटमध्ये यंदाच्या वर्षात १० अर्धशतकांच्या मदतीने एकूण ९४६ धावा केल्या. यंदा त्याचा फॉर्म फारचा चांगला राहिला नाही. अनेक महत्वाच्या सामन्यांमध्ये त्याला भोपळाही फोडता आला नाही.केलेल्या धावा आणि मानधन याचं गणित केल्यास विराटची एक धाव ही ९६ हजार ५१२ रुपयांची ठरली.हे सर्व आकडे २६ डिसेंबरपर्यंतचे आहेत.याच हिशोबाने चेतेश्वर पुजाराबद्दल बोलायचं झालं तर तो फक्त कसोटी सामने खेळतो. या वर्षी त्याने सर्वाधिक म्हणजेच १४ कसोटी सामने खेळलेत.कसोटी सामन्यांसाठी पुजाराला बीसीसीआयकडून २ कोटी १० लाख रुपये देण्यात आलेत.बोर्डासोबतच्या कराराप्रमाणे पुजारा हा ए लिस्टेट क्रिकेटपटूंच्या यादीत असल्याने त्याला एका वर्षात बोर्डाकडून पाच कोटी रुपये दिले जातात.म्हणजेच पुजाराला २०२१ मध्ये एकूण सात कोटी १० लाख रुपये देण्यात आले आहेत.बॅटिंगबद्दल बोलायचं झाल्यास पुजारा यंदाच्या वर्षी काही सामने वगळले तर आऊट ऑफ फॉर्मच होता.पुजारा यंदाच्या वर्षी त्याच्या सामान्य शैलीमध्ये आणि मैदानात स्थिरावलेला फारच कमी वेळ पहायला मिळाला.सहा अर्धशतकांच्या मदतीने पुजाराने यंदाच्या वर्षी एकूण ६८६ धावा केल्यात. म्हणजेच पुजाराची एक धाव एक लाख तीन हजार ४९९ रुपयांची ठरली आहे.के. एल. राहुलने दक्षिण आफ्रिकेच्या दौऱ्यामध्ये आपला फॉर्म कायम ठेवत दमदार सुरुवात केलीय. त्याने पहिल्या कसोटीच्या पहिल्याच दिवशी १२२ धावा केल्या. राहुलने यंदाच्या वर्षी पाच कसोटी, तीन एकदिवसीय सामने आणि ११ आंतरराष्ट्रीय टी-२० सामने खेळले आहेत.या हिशोबाने त्याने सामन्यांचं मानधन म्हणून १ कोटी २६ लाख रुपये देण्यात आले आहेत.राहुल सुद्धा एक लिस्टेट क्रिकेटपटू असल्याने त्याला वर्षाकाठी करारानुसार पाच कोटी रुपये देण्यात येतात.राहुलला यंदा बीसीसीआयने सहा कोटी २६ लाख रुपये दिलेत.राहुलने यंदाच्या वर्षात तीन शतकं आणि सहा अर्धशतकांच्या जोरावर एकूण ९०३ धावा केल्यात.म्हणजेच राहुलची एक धाव ६९ हजार ३२४ रुपयांची ठरलीय.भारताचा विकेटकिपर फलंदाज ऋषभ पंतबद्दल बोलायचं झाल्यास तो सुद्धा ए लिस्टेट खेळाडू आहे.त्यामुळेच त्याला पाच कोटी रुपये बीसीसीआयकडून यंदा देण्यात आलेत. पंत यंदाच्या वर्षी १२ कसोटी, दोन एकदिवसीय सामने आणि १३ टी-२० सामने देशासाठी खेळलाय.पंतला सामन्यांचं मानधन म्हणून बीसीसीआयकडून यंदा एकूण दोन कोटी ३१ लाख रुपये देण्यात आलेत.म्हणजेच पंतला यंदाच्या वर्षी बीसीसीआयकडून एकूण सात कोटी ३१ लाख रुपये मिळालेत.पंत यंदाच्या वर्षी इन आणि आऊट ऑफ फॉर्म असल्याचं पहायला मिळालं. त्याच्या कामगिरीमध्ये सातत्याचा आभाव अनेकदा दिसून आला.असं असलं तरी यंदाच्या वर्षी पंतने एक शतक आणि सात अर्धशतकांच्या जोरावर एकूण १ हजार ७४ धावा केल्यात.म्हणजेच पंतची एक धाव ६८ हजार ६३ रुपयांची ठरलीय.आता सर्वात शेवटी रोहित शर्माबद्दल बोलायचं झालं तर तो यंदा सर्व प्रकारच्या क्रिकेटचा विचार केल्यास भारतासाठी सर्वाधिक धावा करणारा खेळाडू ठरलाय.रोहित शर्माने २०२१ मध्ये दोन शतकं आणि नऊ अर्धशतकांच्या जोरावर एकूण एक हजार ४२० धावा केल्यात.यंदाच्या वर्षी रोहित ११ कसोटी, तीन एकदिवसीय सामने आणि ११ टी-२० सामने भारतासाठी खेळला आहे.सामन्यांचं मानधन म्हणून त्याला दोन कोटी १६ लाख रुपये बीसीसीआयकडून देण्यात आलेत.विराटप्रमाणे रोहितसुद्धा एक प्लस दर्जाचा खेळाडू असल्याने वर्षाचे त्याला सात कोटी रुपये बीसीसीआयकडून देण्यात आलेले आहेत. म्हणजेच रोहितने यंदा बीसीसीआयकडून मानधन म्हणून एकूण नऊ कोटी १६ लाखांचा निधी घेतलाय.याचा सरळ अर्थ सांगायचा झाल्यास रोहितची एक धाव ही ६४ हजार ५०७ रुपयांची ठरलीय.रोहितला यंदा सर्वाधिक पैसे मिळाले असले तरी त्याने सर्वाधिक धावाही केल्याने प्रतिधाव मानधानचा विचार केल्यास रोहित हा सर्वोत्तम ठरलाय. (सर्व फोटो : रॉयटर्स, पीटीआय, एपी, बीसीसीआय, इंडियन एक्सप्रेस आणि सोशल नेटवरर्किंगवरुन साभार)