Cricketer MS dhoni has hundreds of bike and cars in his collection | Photos : दोन मजली गॅरेज, सुपर बाईक्स आणि लक्झरी गाड्या... धोनीचं गाडीप्रेम पाहून तुम्ही देखील व्हाल थक्क!

भारतीय क्रिकेट संघाचा माजी कर्णधार आणि स्टार क्रिकेटर एम.एस.धोनी त्याच्या क्रिकेटमधील कामगिरीसाठी ओळखला जातो.क्रिकेटप्रमाणेच धोनीचं गाड्यांवर देखील विशेष प्रेम आहे. धोनीकडे सुपर बाईक्स आणि लक्झरी कारचं कलेक्शन आहे.नुकतंच धोनीच्या कलेक्शनमध्ये 'लँड रोव्हर-३ एसयूव्ही' या विंटेज गाडीचा समावेश झालाय. बिग बॉय टॉईजने आयोजित केलेल्या लिलावात धोनीने ही गाडी खरेदी केली आहे.धोनीचं दोन मजल्याचं बाईक आणि कार कलेक्शन गॅरेज आहे. यामध्ये शेकडो बाईक्स आणि लक्झरी कार आहेत.धोनीच्या बाईक आणि कारचं कलेक्शन असणाऱ्या गॅरेजचा हा फोटो आहे.धोनी स्वतः गॅरेजमधील गाड्यांची देखभाल आणि डागडुजी करत असतो.धोनीची सर्वात पहिली बाईक यमाहा राजदूत.धोनीला जपानमध्ये तयार करण्यात आलेल्या बाईक्सचं प्रचंड आकर्षण आहे. २००६ साली लॉन्च झालेली कवासाकी निंजा झेडएक्स १४ आर ही जगातील सर्वात लोकप्रिय असणाऱ्या बाइक्सपैकी एक असलेली बाईक धोनीकडे आहे.'कॉनफेडीरेट एक्स १३२ हेलकॅट' ही सुमारे ३० लाख किंमत असलेली बाईक धोनीच्या कलेक्शनमध्ये आहे. कॉनफेडीरेट भारतामध्ये बाईक्स विकत नाहीत. त्यामुळेच धोनीने ही गाडी परदेशातून आयात केली.धोनीकडे बाईकप्रेमींचं विशेष प्रेम असणारी हार्ली डेव्हिडसन या कंपनीची 'हार्ली डेव्हिडसन फॅट बॉय' ही बाईकसुद्धा आहे. धोनीकडे या बाईकचे टॉप मॉडेल आहे.इटालियन बनावटीची असलेली 'डुकाटी १०९८ एस' ही बाईक धोनीच्या ताफ्यात आहे. याशिवाय धोनीकडे रॉयल इनफिल्ड मिचिस्मो, सुझूकी शगून, यमाहा आरडी३५०, यमाहा व्हायझेएफ ६०० आर, बीएसए गोल्डस्टार, हार्डली डेव्हिडसन आर्यन ८८३ सारख्या क्लासिक बाईक्सही आहेत.बाईक्सप्रमाणेच धोनीकडे विंटेज आणि लक्झरी कार देखील आहेत.त्याच्या गॅरेजमध्ये सगळ्यात महागड्या आणि क्लासिक मानल्या जाणाऱ्या मर्सिडीज-बेंझ या कंपनीची 'मर्सिडीज-बेंझ जीएलई' ही कार आहे.धोनीकडे 'ऑडी क्यू ७' ही लक्झरी कारसुद्धा आहे. या गाडीची किंमत सुमारे ६९ लाख इतकी आहे.याशिवाय धोनीच्या गॅरेजमध्ये जीप ग्रँड चेरोकी ट्रॅकहॉकसारख्या काही अप्रतिम चारचाकी गाड्या देखील आहेत.धोनीकडे असलेल्या या लक्झरी गाडीची किंमत सुमारे १.६ करोड इतकी आहे.धोनीकडे असलेल्या या कलेक्शनमधून त्याचं गाड्यांवर किती प्रेम आहे हे दिसून येतं.