Photo : हरभजन सिंगची नवीन ‘इनिंग’ सुरू; पंजाबी लूकमध्ये पोहचला संसदेत

माजी क्रिकेटपटू हरभजन सिंग आता राज्यसभेचा खासदार झाला आहे. आम आदमी पार्टीचा राज्यसभा सदस्य म्हणून त्याने खासदारकीची शपथ घेतली. पारंपरिक पंजाबी पगडी परिधान करून संसदेत पोहचलेल्या हरभजनने पंजाबी भाषेत शपथ घेतली. शपथ घेतल्यानंतर खासदार हरभजन सिंगने राष्ट्रपती पदाच्या निवडणूकीसाठी मतदानही केले. सहकारी खासदार संजीव अरोरा आणि राघव चढ्ढा यांच्यासोबत हरभजन सिंग संसदेत दाखल झाला होता. विशेष म्हणजे एकेकाळी भारतीय क्रिकेट संघाची ड्रेसिंग रूम शेअर केलेल्या गौतम गंभीर सोबत तो आता एकाच सदनामध्ये बसणार आहे. अरविंद केजरीवाल यांच्या आम आदमी पार्टीने हरभजन सिंगच्या नावाची राज्यसभा सदस्यत्वासाठी घोषणा केली होती. आता खासदार असलेल्या हरभजन पंजाब पोलीस दलामध्ये पोलीस उपअधीक्षक म्हणून देखील काम केलेले आहे. आता खासदार म्हणून हरभजन सिंग कशी कामगिरी करणार याकडे सर्वांचे लक्ष आहे. (फोटो सौजन्य - पीटीआय/ट्विटर)