Photos : एका मुलाचा पिता झाल्यानंतर ऑस्ट्रेलियाच्या कर्णधाराने बांधली लग्नगाठ

ऑस्ट्रेलियाच्या कसोटी संघाचा कर्णधार पॅट कमिन्स विवाहबद्ध झाला आहे. पॅटने त्याची दीर्घकाळापासूनची गर्लफ्रेंड बेकी बोस्टनशी लग्न केले. पॅट कमिन्सने सोमवारी (१ ऑगस्ट) सोशल मीडियावर चाहत्यांना याबाबत माहिती दिली. विशेष म्हणजे पॅट आणि बेकी लग्नाअगोदच एका मुलाचे पालकदेखील झाले आहेत. आपल्या लग्न सोहळ्यातील फोटो सोशल मीडियावर शेअर करत त्याने 'जस्ट मॅरीड' अशी घोषणा केली. २९ वर्षीय पॅट कमिन्स सध्या ऑस्ट्रेलियन कसोटी संघाचा कर्णधार आहे आणि जगातील सर्वोत्तम वेगवान गोलंदाजांपैकी एक आहे. पॅट कमिन्स आणि बेकी गेल्या आठ वर्षांपासून एकमेकांना डेट करत आहेत. २०२० मध्येच दोघांनी एंगेजमेंट केली होती. कोरोना व्हायरसमुळे त्यांचे लग्न पुढे ढकलण्यात आले. नोव्हेंबर २०२१मध्ये बेकीने मुलाला जन्म दिला. त्याचे नाव एल्बन असे ठेवण्यात आले आहे. बेकी बोस्टन मूळची इंग्लंडची असून ती एक इंटेरिअर डिझायनर आहे. पॅट कमिन्सने लग्नाची माहिती शेअर केल्यावर त्याच्यावर अभिनंदनाचा वर्षाव सुरू झाला. आयपीएलमधील पॅट कमिन्सचा संघ कोलकाता नाईट रायडर्सनेही सोशल मीडियावरून अभिनंदनाचा संदेश पाठवला आहे. (सर्व फोटो सौजन्य - पॅट कमिन्स इन्स्टाग्राम)