सचिन तेंडुलकरच्या खऱ्या फॅनलाच माहीत असतील ‘या’ १० दुर्मिळ गोष्टी; क्रिकेटच्या देवाचे किस्से वाचून व्हाल थक्क

सचिन तेंडुलकर आज आपला ५० वा वाढदिवस साजरा करणार आहे. काही दिवसांपासूनच सचिनवर शुभेच्छांचा वर्षाव सुरु झाला होता. सचिनच्या चाहत्यांना आपल्या लाडक्या क्रिकेटच्या देवाच्या प्रत्येक सामन्यातील प्रत्येक गोष्ट लक्षात आहे. पण तेंडुलकर विषयी काही खास गोष्टी आज आपण पाहूया... आज जगात गाजतंय असं सचिनचं नाव हे प्रसिद्ध संगीतकार सचिन देव बर्मन यांच्यावरून ठेवण्यात आले होते. सचिनचे वडील रमेश तेंडुलकर हे त्यांचे फॅन होते. सचिनने शाळेत क्रिकेट खेळतानाच विश्वविक्रमाला गवसणी घातली होती. विनोद कांबळीसह शारदाश्रम शाळेत क्रिकेट खेळताना त्याने एकाच सामन्यात नाबाद ३२५ धावा काढल्या होत्या. सचिन तेंडुलकरला १४ व्या वर्षी सुनील गावस्कर यांनी आपल्या पॅडची एक जोडी गिफ्ट केली होती आणि हे गिफ्ट नंतर चोरीला गेले होते मास्टर ब्लास्टरने वयाच्या १६ व्या वर्षी आंतरराष्ट्रीय क्रिकेटमध्ये पदार्पण केले. १९८७ च्या विश्वचषकात सचिनने बॉल बॉय म्हणून काम केले होते सचिनने १९८९ ला पहिल्या टेस्ट सामन्यात पाकिस्तान विरुद्ध केवळ १५ धावा काढल्या होत्या. वकार युनीसने कराची मध्ये पहिल्यांदा सचिनची विकेट घेतली होती. १९९२ पासून सचिनने ६ विश्वचषक खेळले आहेत. ९६, ९९, २००३, २००७ इतक्यांदा विश्वचषक भारताच्या हातातून निसटला होता. अखेरीस सचिनच्या शेवटच्या वर्ल्डकपला २०११ मध्ये भारताने विजय मिळवला. एकदिवसीय सामन्यांमध्ये सचिनला ६२ वेळा मॅन ऑफ द मॅच पुरस्कार मिळाला आहे. सचिन आणि २४ तारखेचा फार खास संबंध आहे. २४ फेब्रुवारी १९८८ ला सचिनने विनोद कांबळीसह हॅरिस शिल्ड सेमीफायनलमध्ये ६६४ धावांची भागीदारी केली होती. १९९० मध्ये १७ व्या वर्षी सचिन आणि अंजली हे पहिल्यांदा मुंबई विमानतळावर भेटले होते. तेव्हा सचिन आपलं पहिलं शतक झळकावून मुंबईत परतला होता. २२ व्या वर्षी सचिनने २४ मे १९९५ ला अंजलीशी लग्न केले होते. २४ नोव्हेंबर १९८९ ला वयाच्या १६ व्या वर्षी टेस्ट करिअरमध्ये पहिल्यांदा ५० धावा पूर्ण केल्या होत्या. २४ फेब्रुवारी २०१० ला सचिनने दक्षिण आफ्रिकेच्या विरुद्ध पहिल्यांदा वनडे मध्ये दुहेरी शतक झळकावले होते.