मॅनेजरवर जडला जीव, फिल्मी स्टाईल प्रपोज अन्…; रोहित शर्मा-रितिका सजदेहची लव्हस्टोरी

भारतीय क्रिकेट संघाचा स्फोटक फलंदाज म्हणून रोहित शर्माला ओळखले जाते. रोहित शर्मा कसोटी, एकदिवसीय आणि टी-२० व्यतिरिक्त आयपीएलमध्येही खेळताना दिसतो. आयपीएलमध्ये मुंबई इंडियन्स संघाचा तो कर्णधार आहे. रोहित शर्मा आज त्याचा वाढदिवस साजरा करत आहे. रोहित शर्माच्या खासगी आयुष्याची कायमच चर्चा होताना पाहायला मिळते. रोहित शर्माने त्याची पत्नी रितिकाला अगदी फिल्मी स्टाईलने प्रपोज केलं होतं. रोहित आणि रितिकाची लव्हस्टोरी एखाद्या चित्रपटाच्या कथेला साजीशी अशी आहे. रोहित शर्मा नेहमी आपल्या इन्स्टाग्राम अकाऊंटला पत्नीसोबतचे रोमँटिक फोटो शेअर करत असतो. पण तुम्हाला माहिती आहे का, रोहितची पत्नी होण्याआधी रितिका त्याची मॅनेजर म्हणून काम पाहत होती. याचवेळी रोहित शर्माचा रितिकावर जीव जडला आणि त्याने तिला लग्नाची मागणी घालायचं ठरवलं. रोहितने रितिकाला लग्नाची मागणी एकदम फिल्मी स्टाइलने घातली होती. रोहित शर्मा आपल्या वाढदिवसाच्या दोन दिवस आधी २८ एप्रिलला रितिकाला घेऊन मुंबईतील बोरिवलीमधील एका स्पोर्ट्स क्लबमध्ये गेला होता. तिथे काही वेळ त्या दोघांनी एकत्र वेळ घालवला. त्यानंतर रोहित शर्माने रितिकाला एक सरप्राइज दिलं. रितिकाला याची अजिबात कल्पना नसल्याने तिला खूप मोठा आश्चर्याचा धक्का होता. रोहित शर्माने त्यावेळी रितीकाला लग्नाची मागणी घातली होती. रोहितने तिथेच क्लबमध्ये रितिकाला अंगठी घालत आपल्या प्रेमाची कबुली दिली होती. हा क्षण रितिकासाठी खूप महत्त्वाचा होता. अंगठी घालताना रोहितने रितिकाला माझ्याशी लग्न करशील का ? असं विचारलं होतं. ज्याला रितिकानेही लगेच होकार दिला. जून २०१५ मध्ये त्या दोघांनी साखरपुडा केला. त्यानंतर डिसेंबर २०१५ मध्ये रोहित आणि रितिका लग्नबंधनात अडकले. रितिका ही युवराज सिंगची मानलेली बहिण आहे. रोहित शर्मा आणि रितिकाच्या लग्नासाठी क्रिडा, मनोरंजन, व्यवसाय क्षेत्रातील अनेक दिग्गज उपस्थित होते. रोहित शर्मा आणि रितिकाला एक गोंडस मुलगी असून तिचं नाव समायरा असं आहे.