PHOTOS: ऑलिम्पिक पदक जिंकल्यानंतर मोठ्या ब्रँडच्या जाहिरातींमधून कमाई, मनू भाकेर आता कोटींच्या मालमत्तेची मालकीण; वाचा एकूण संपत्तीचा आकडा

ऑलिम्पिक पदक विजेती मनू भाकेरने २०२४ पॅरिस ऑलिम्पिक मध्ये तिच्या उत्कृष्ट कामगिरीने इतिहास रचला आहे. ऑलिम्पिक मध्ये दोन कांस्यपदके जिंकणारी मनू सध्या अनेक ब्रँडच्या जाहिरातींमधून मोठी कमाई करत आहे. जाणून घेऊया मनूच्या एकूण संपत्तीबद्दल. मनूचा शूटिंगमधील प्रवास तिच्या वडिलांकडून दीड लाख रुपयांच्या गुंतवणुकीपासून सुरू झाला. रीपोर्टसनुसार, मनूची कमाई प्रामुख्याने तिच्या व्यावसायिक नेमबाजी कारकीर्दीतून आणि स्पोर्ट्स ब्रँडच्या जाहिरातींमधून येते. मनूने 'नथिंग इंडिया' आणि 'परफॉर्मॅक्स' सारख्या मोठ्या ब्रँडसह कामं केलं आहे. भारतात महिला क्रीडापटू कोणत्याही ब्रॅंडसाठी सहसा जाहिरातींमधून ८ ते ३० लाख रुपये कमावतात. मात्र, मनूची ब्रँड व्हॅल्यू इतर महिला क्रीडापटूपेक्षा अधिक म्हणजे अंदाजे १.५ कोटी रुपये आहे. मनूच्या ऑलिम्पिक तयारीसाठी 'टार्गेट ऑलिम्पिक पोडियम स्कीम' मार्फत तिला १२ लाख रुपये देखील मिळतात. याशिवाय, मनूला 'अॅन्युअल कॅलेंडर फॉर ट्रेनिंग अँड कॉम्पिटिशन' कडून एकूण १५ लाखांची आर्थिक मदत मिळते. ज्याने तिच्या प्रशिक्षण आणि स्पर्धेच्या खर्चात मदत होते. मनूच्या एकूण संपत्तीबद्दल बोलायचे झाले तर, मोठ्या ब्रँडच्या जाहिरातींमधून कमाई करत आता मनूची अंदाजे संपत्ती १२ कोटी रुपये आहे. (सर्व फोटो: मनू भाकेर/इन्स्टाग्राम)