करोनाचा उपद्रव झालेल्या धारावीची केंद्रीय समितीकडून पाहणी

1/10

राज्यातील करोनाचा प्रादुर्भाव दिवसेंदिव अधिकच वाढत आहे. मुंबईत रुग्ण संख्या सर्वाधिक आहे.

2/10

त्यात धारावीमधील परिस्थिती अधिकच बिघडत असल्याचे दिसत आहे.

3/10

या पार्श्वभूमीवर आरोग्यमंत्री राजेश टोपे व आयएमसीटीच्या समितीने धारावीच्या ट्रांझिट कॅम्पसह धारावी स्पोर्ट्स क्लबमधील क्वारंटाइन सुविधांची पाहणी केली.

4/10

यावेळी आरोग्यमंत्र्यांबरोबर प्रशासकीय अधिकाऱ्यांसह पोलिसांचा मोठा फौजफाटा होता.

5/10

करोनाचा संसर्ग पसरू नये यासाठी पालिकेने धारावीमध्ये रहिवाशांच्या वैद्यकीय तपासणीची मोहीम हाती घेतली आहे.

6/10

प्रत्येक रहिवाशाची तपासणी करून ताप, सर्दी, खोकला असलेल्यांची करोनाविषयक तपासणी करण्यात येत आहे.

7/10

राजेश टोपे यांनी प्रशासकीय वैद्यकीय अधिकाऱ्यांकडून धारावीतील सद्य स्थितीची माहिती जाणून घेतली.

8/10

आरोग्यमंत्री टोपे यांनी करोनाच्या वाढ्त्या प्रादुर्भावाच्या पार्श्वभूमीवर अधिकारी वर्गास काही सूचना देखील यावेळी केल्या

9/10

धारावीमध्ये मंगळवारी १२ नवे करोनाबाधित रुग्ण आढळले असून करोनाची बाधा झालेल्या एकाचा मृत्यू झाला. त्यामुळे धारावीमधील करोनाबाधितांची संख्या १८० वर पोहोचली असून १२ जण मृत्युमुखी पडले आहेत.

10/10

तसेच संशयित रुग्णांना विलगीकरण कक्षात ठेवण्यात येत आहे. मात्र धारावीमध्ये दररोज नवे रुग्ण सापडतच आहेत