सर्वात मोठं स्थलांतर, घरी जाण्यासाठी जीवाचा आटापिटा

1/27

पुणे : स्वातंत्र्यानंतर देशात पहिल्यांदात सध्या मोठ्या प्रमाणावर स्थलांतर पहायला मिळत आहे. कोविड-१९ आजारानं सर्वांवर ही वेळ आणली आहे. पुण्यातून उत्तर प्रदेशातील बनारस येथे जाण्यासाठी निघालेले नागरिक अशा प्रकारे धोकादायक पद्धतीने प्रवास करताना दिसत आहेत. (छायाचित्र – अरुल होरायझन)

2/27

मोठा धोका पत्करुन हे परप्रांतीय नागरिक सध्या गावाकडं जायला निघाले आहेत.

3/27

पुणे-नगर महामार्गावरील शिक्रापूर येथून ट्रकच्या टपावर बसून उत्तर प्रदेशकडे निघालेले नागरिक.

4/27

सुमारे शंभर स्थलांतरित नागरिक या एकाच ट्रकमधून प्रवास करीत आहेत.

5/27

लहान मुलं आणि महिलांना ट्रकमध्ये बसवण्यात आलं आहे तर बहुतांश पुरुष मंडळी ट्रकच्या टपावरुन प्रवास करीत आहेत.

6/27

काही महिला देखील टपावरुन प्रवास करण्यासाठी धडपडताना दिसत आहेत.

7/27

ट्रकमध्ये पुरेशी जागा नसल्याने रणरणत्या उन्हात महिलांनी टपावरुन प्रवास करण्याचा धोका पत्करला आहे.

8/27

ट्रकच्या टपावर जागा शोधण्यासाठी प्रयत्न करताना काही महिला दिसत आहेत.

9/27

काही लोक आपल्या चिमुकल्यांनाही ट्रकच्या टपावर घेऊन बसताना दिसत आहे.

10/27

पुणे शहरात अडकलेल्या मराठवाडा-विदर्भातील नागरिकांनी आता आपापल्या जिल्ह्यांकडे जायला सुरुवात केली आहे.

11/27

शहराच्या सीमेवरील वाघोली येथे हे नागरिक दररोज जमत आहेत. या ठिकाणी पुणे पोलिसांकडून खासगी बसमधून त्यांची सोय करुन दिली जात आहे. मात्र, त्यासाठी त्यांना सध्या तिप्पट गाडीभाडं आकारलं जात आहे.

12/27

खासगी बसने घरी जाण्यासाठी मोठ्या प्रमाणावर वाघोली येथील बस पार्किंग येथे शेकडो नागरिक बसच्या प्रतिक्षित आहेत.

13/27

या प्रवाशांची वैद्यकी तसापणी करुन त्यांना जागेवरच डॉक्टरांमार्फत वैद्यकीय प्रमाणपत्र दिले जात आहे.

14/27

याच ठिकाणी त्यांचं स्क्रिनिंग करुन त्यांना डॉक्टरांमार्फत वैद्यकीय प्रमाणपत्रही दिलं जात आहे.

15/27

पुणे पोलिसांमार्फत या नागरिकांसाठी खासगी बसची व्यवस्था करुन दिली जात आहे.

16/27

भर उन्हात या काही कामगारांनी पार्किंगमध्ये थांबलेल्या ट्रकच्या सावलीचा आसरा घेतला आहे.

17/27

चालून चालून दमलेल्या या मंडळींनी क्षणभर विश्रांतीसाठी जमिनीवर पाठ टेकवली. यामध्ये लहान मुलांचाही समावेश आहे.

18/27

बस सोडण्याच्या प्रक्रियेला वेळ लागत असल्याने तसेच मोठी गर्दी झाल्याने पुरेशी बैठक व्यवस्था नसल्याने महिलांना आणि पुरुषांना अशा प्रकारे बसच्या सावल्यांचा आसरा घेत वेळ ढकलावी लागत आहे.

19/27

पुणे जिल्ह्यात अडकलेल्या परप्रांतीय मजूरांना त्यांच्या राज्यात सोडण्यासाठी दुसरी श्रमिक रेल्वे सोमवारी रात्री पुणे स्टेशन येथून राजस्थानला रवाना झाली.

20/27

यावेळी शहर आणि जिल्ह्यातून या नागरिकांना बसने आणि खासगी वाहनांनी रेल्वे स्टेशनपर्यंत आणण्यात आले. यावेळी घरी येत असल्याचा सांगावा देताना एक नागरिक.

21/27

तब्बल पन्नास दिवस अडकून पडल्यानंतर घरी जाण्याची संधी मिळाल्याने या महिलेला अश्रू अनावर झाले होते.

22/27

गावाकडं जाण्यासाठी श्रमिक रेल्वे सुटणार असल्यानं जिल्ह्यात अडकलेले लोक लोक मिळेल त्या वाहनांची सोय करुन रेल्वे स्टेशन परिसरात येत होते.

23/27

प्रवासाला सुरुवात होत असल्याने आपल्या लहान लेकराच्या सुरक्षेसाठी एका बापानं त्यांच्या तोंडाला रुमाल बांधला.

24/27

राजस्थानातील मजुरांना रेल्वे स्टेशनपर्यंत पोहोचवण्यासाठी जिल्हा प्रशासनानं विशेष बसची सोय केली होती.

25/27

सध्याच्या स्थलांतराच्या प्रवासामध्ये पालकांबरोबरच लहान मुलांचीही मोठी परवड होताना दिसत आहे. पुणे स्टेशन परिसरात बस पोहोचल्यानंतर त्यामधून भली मोठी समानाची बॅग घेऊन उतरण्याचा प्रयत्न करताना एक चिमुकला.

26/27

श्रमिक रेल्वेससाठी पुणे स्टेशन परिसरात झालेली मोठी गर्दी

27/27

रेल्वे गाडीत बसल्यानंतर या मजूर, कामगारांना हायसं वाटलं असणार.