”सर्जा-राजा” चा बेंदूर सण उत्साहात साजरा

1/10

शेतकऱ्यांचा सखा असलेल्या बैलांप्रती आदरभाव व्यक्त करणारा 'बेंदूर' हा सण शनिवारी पश्चिम महाराष्ट्रात ठिकठिकाणी साजरा करण्यात आला. (सर्व फोटो – पवन खेंगरे)

2/10

पुणे जिल्ह्यातील खेडशिवापूरजवळील वेळू गावात पारंपरिक आणि उत्साही वातावरणात शेतकऱ्यांनी हा सण साजरा केला.

3/10

शेतकऱ्यांनी आपली सर्जा-राजाची जोडी चांगलीच सजवली होती. बैलांच्या अंगावर रंगरंगोटी करून त्यांच्या शिंगाला फुगे देखील बांधण्यात आली होती.

4/10

काही शेतकऱ्यांनी करोनाच्या वाढत्या प्रादुर्भावाच्या पार्श्वभूमीवर बैलांच्या अंगावर घरातच रहा सुरक्षित रहा असे संदेश देखील लिहिले होते.

5/10

हा सण साजरा करताना करोना संसर्ग टाळण्यासाठी ग्रामस्थांनी चेहऱ्याला मास्क लावले होते.

6/10

गळ्यात घुंगरमाळा घातलेले सर्जा-राजा हा सण साजरा करण्यासाठी आपल्या मालकाबरोबर डौलात गावात निघाले होते.

7/10

वटपौर्णिमा झाल्यानंतर बेंदूर हा सण येतो. या दिवशी बैलांना न्हाऊ माखू घातले जाते. त्यानंतर शिंगांना रंगरंगोटी करून, अंगावर झूल घालून पुरणपोळीचा नवैद्य खायला दिला जातो.

8/10

यंदा करोना महामारीच्या संकटामुळे सर्व सण-उत्सवांवर गदा आल्याचे दिसत आहे. मर्यादेत राहून व सर्व दक्षात घेऊन नागरिकांना सण साजरे करावा लागत आहे.

9/10

या दिवशी अनेक गावांमध्ये बैलांची वाजतगाजत मिरवणूक देखील काढण्यात येते.

10/10

बेंदूर व पोळा हे सण साजरा करण्याची पद्धत जवळपास सारखीच आहे. मात्र बेंदूर हा सण आषाढ पौर्णिमेस तर पोळा श्रावण अमावस्येला साजरा केला जातो.