Live sketch of Lata Mangeshkar in NC Phadke Chowk Pune with her songs in background | Photos : पुण्यात 'लाईव्ह स्केच'च्या माध्यमातून गानसम्राज्ञी लता मंगेशकर यांना अनोखी मानवंदना, फोटो पाहा...

पुण्यात भारतरत्न आणि गानसम्राज्ञी लता मंगेशकर यांना लाईव्ह स्केचच्या माध्यमातून अनोखी मानवंदना देण्यात आली.पुण्याच्या ना. सी. फडके चौकात एकीकडे लता मंगेशकर यांची गाणी लावण्यात आली.दुसरीकडे भर चौकात सर्वांसमोर लता मंगेशकर यांचं भव्य असं चित्र काढण्यात आलं.लता मंगेशकर यांचं हे पेटिंग काढण्यासाठी जवळपास दीड तास वेळ लागला.यावेळी अनेक पुणेकरांनी थांबून या गाण्यांसोबतच लाईव्ह स्केच पाहिलं.तसेच लता मंगेशकर यांच्या आठवणींना उजाळा दिला.सफेद रंगाच्या फ्लेक्सवर काळ्या रंगाने काढलेल्या या सुरेख चित्राने अनेक प्रवाशांचं लक्ष वेधून घेतलं.उंचावर असल्याने चित्रकाराला ट्रॉलीचा वापर करून हे चित्र काढावं लागलं.हळूहळू पूर्ण होत गेलेलं हे पेंटिंग लता मंगेशकर यांच्या स्मितहास्यासह उठून दिसत होतं.लता मंगेशकर यांच्या पेंटिंगमागे तिरंगी रंगाची छटा देण्यात आली.तसेच या तिरंगी रंगसंगतीवर 'ये मेरे वतन के लोगो' या गाण्याचे बोल लिहिण्यात आले.या लाईव्ह स्केचचं आयोजन भाजपाचे नगरसेवक धीरज घाटे यांनी केले होते.