Photos : नवी मुंबईत बैलगाडा शर्यतीचा धुरळा; तब्बल सहा वर्षांनी रंगला थरार

नवी मुंबई विमानतळ परिसरातील ओवळे गावाच्या यात्रेनिमित्त बैलगाडा शर्यतीचे आयोजन करण्यात आले होते. त्या शर्यतीतील अखेरच्या क्षणांचे हे रोमांचक दृश्य. सुमारे दोनशेहून अधिक बैलगाडा मालकांनी या शर्यतीत सहभाग घेतला होता. बैलगाडा शर्यतींवरील बंदी उठवण्यात आल्यानंतर सहा वर्षांनी पनवेलच्या ग्रामीण भागात शर्यतींचे आयोजन करण्यात आले. बैलगाडा शर्यतीसाठी शासनाने नियमावली लागू केली आहे. त्यानुसार शर्यतींसाठी पंधरा दिवस अगोदर परवानगी घेणे आवश्यक आहे. याशिवाय अनामत रक्कम, बैलाची शारीरिक तंदुरुस्ती प्रमाणपत्र, शर्यतीसाठी बैलांची छळातून मुक्तता, बैलांना उत्तेजक द्रव्य-मद्याचा वापर न करणे आदी नियमांचा समावेश आहे. बैलगाडा शर्यत ही महाराष्ट्राच्या ग्रामीण भागात गेल्या ४०० वर्षांची परंपरा राहिली आहे. सध्या सर्वत्र यात्रा जत्रांमध्ये बैलगाडी शर्यतीचे आयोजन करण्याची चढाओढ लागली आहे. (फोटो - नरेंद्र वास्कर, इंडियन एक्सप्रेस)