टाटा मोटर्सने लाँच केली नेक्सन इव्ही Max, जाणून घ्या फिचर्स

टाटा मोटर्सने इलेक्ट्रिक एसयूव्ही सेगमेंटमध्ये नेक्सन इव्हीची लांब पल्ल्याची आवृत्ती लाँच केली आहे. टाटा नेक्सन इव्ही Max ची सुरुवातीची किंमत रु. १७.७४ लाख (एक्स-शोरूम, दिल्ली) आहे. ४०.५ किलोवॅट बॅटरी पॅकद्वारे ४३७ किमी पेक्षा जास्त रेंज देत असल्याचा दावा केला आहे. नेक्सन इव्ही Max मॉडेल नऊ सेकंदात १०० किमी प्रतितास वेग गाठू शकतो. टाटा नेक्सन इव्ही मॅक्स XZ+ आणि XZ+ Lux या दोन ट्रिममध्ये येते. तसेच इंटेन्सी-टील, प्रिस्टाइन व्हाइट आणि डेटोना ग्रे या तीन रंगांमध्ये उपलब्ध असेल. एसयूव्ही इको, सिटी आणि स्पोर्ट असे तीन मोड ऑफर करते. कार उत्पादक बॅटरी पॅक मोटरवर ८ वर्षे/१,६०,००० किमी (जे आधीचे असेल) आणि वाहनावर ३ वर्षे किंवा १,२५,००० किमी (जे आधीचे असेल) वॉरंटी देते.