PHOTO : इंद्रायणीच्या तीरावर जमला वैष्णवांचा मेळा

अलंकापुरी आळंदीत संत श्रेष्ठ ज्ञानेश्वर माऊलींचा पालखी सोहळा पार पडत आहे. करोनानंतर पहिल्यांदाच वारकऱ्यांच्या उपस्थितीत सोहळा होत आहे. महाराष्ट्राच्या कानाकोपऱ्यातून हजारो वारकरी आळंदीत दाखल झालेत. इंद्रायणी काठी वैष्णवांची मांदियाळी पाहायला मिळत आहे. ज्ञानोबा माऊली तुकाराम चा जयघोष वारकरी करत आहेत. हातात भगवी पताका घेऊन टाळ, मृदंगाच्या गजरात वारकरी तल्लीन झाला आहे. लहानापासून वयोवृद्ध या पालखी सोहळ्यात सहभागी झाले आहेत. गेली दोन वर्ष करोनामुळे पालखी सोहळा हे मोजक्याच वारकऱ्यांच्या उपस्थित पार पडले होते. यावर्षी करोनाचे निर्बंध नसल्याने आळंदीत वारकरी मोठ्या प्रमाणावर दाखल झालेत. (सर्व छायाचित्रे - प्रतिनिधी कृष्णा पांचाळ)