PHOTOS : सदाभाऊ खोतांची फडणवीसांना मिठी, विधान परिषद निवडणुकीतील महायुतीच्या विजयी उमेदवारांचं सेलिब्रेशन! पाहा फोटो

विधानपरिषदेच्या निवडणुकीत महायुतीने घवघवीत यश मिळवत ९ पैकी ९ उमेदवारांनी विजय प्राप्त केला. विधानपरिषद निवडणुकीत मिळालेल्या विजयानंतर पंकजा मुंडे यांनी विधान भवन येथे निवडणूक अधिकाऱ्यांकडून निवडीचे प्रमाणपत्र स्वीकारले. विधान परिषदेतील विजयानंतर उपमुख्यमंत्री आणि गृहमंत्री देवेंद्र फडणवीस आणि पंकजा मुंडे यांनी यावेळी एकमेकांना पेडा भरवला. तसेच मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनीही एकमेकांना पेडा भरवला. यावेळी मुख्यमंत्री आणि उपमुख्यमंत्री दोघांनीही माध्यमांना संबोधित केले. भाजपचे विजयी उमेदवार परिणय फुके, योगेश टिळेकरही यावेळी आनंद साजरा करताना दिसले. शिंदे गटाच्या भावना गवळीही यावेळी या छायाचित्रात विजयाचा आनंद घेताना दिसत आहेत. भाजपाचे विजयी उमेदवार अमित गोरखे आणि इतर भाजपा नेते सदाभाऊ खोत यांनी विजयानंतर उपमुख्यमंत्री देवेंद्र फडणवीस यांना मिठी मारली. राष्ट्रवादी अजित पवार गटाचे विजयी उमेदवार राजेश विटेकर यांनी विधान भवन येथे विधानपरिषद निवडणुकीत मिळालेल्या विजयानंतर निवडणूक अधिकाऱ्यांकडून निवडीचे प्रमाणपत्र स्वीकारले. या छायाचित्रात राष्ट्रवादी अजित पवार गटाचे विजयी उमेदवार शिवाजीराव गर्जे, राजेश विटेकर आणि महिला व बाल विकास मंत्री आदिती ताई तटकरे दिसत आहेत. हेही वाचा- PHOTOS : विधान परिषद निवडणुकीत काँग्रेसची मते फुटली, महायुतीची सरशी! वाचा निकालाची सविस्तर माहिती