Ashadhi Ekadashi 2024: वडाळ्यातील प्रतिपंढरपूर मंदिरात अभिषेक सोहळ्याचा उत्साह

महाराष्ट्र ही संतांची भूमी आहे त्यामुळे आषाढी वारीला महाराष्ट्रात खूप महत्व आहे. आषाढी एकादशीनिमित्त महाराष्ट्रात विठुनामाचा गजर होत आहे. मुंबईतील वडाळा येथे असणाऱ्या विठ्ठल मंदिराला प्रतिपंढरपूर म्हणून ओळखले जाते. आषाढी एकदाशीनिमित्त आज वडाळ्यातील प्रतिपंढरपूर मंदिरात अभिषेक सोहळ्याचा उत्साह पाहायला मिळाला. विठ्ठल मंदिराला सुमारे ४०० वर्षांचा जुना इतिहास आहे. पहाटेपासून लोकांनी विठ्ठल-रुक्मिनीच्या दर्शनासाठी विविध ठिकाणच्या मंदिरांमध्ये रांगा लावल्या आहेत. आषाढी एकादशीनिमित्त श्री विठ्ठल रुक्मिणीची महापूजा मुख्यमंत्री एकनाथ शिंदे यांनी सलग तिसऱ्यांदा सपत्नीक केली. भाविकांची विक्रमी गर्दी, टाळ मृदुंगाचा जयघोष, भजन, हरिनामाच्या गजराने अवघी पंढरपूर नगरी दुमदुमून निघाली आहे. (सर्व फोटो सौजन्य : प्रतिपंढरपूर वडाळा/इन्स्टाग्राम) (हेही पाहा : मुख्यमंत्री एकनाथ शिंदेंच्या हस्ते विठ्ठल रुक्मिणीची शासकीय महापूजा संपन्न, यंदा ‘या वारकरी दाम्पत्याला मिळाला पूजेचा मान)