नेहा कक्करने दिली गुड न्यूज; अन् हार्दिक पंड्या झाला ट्रोल…

बॉलिवूड गायिका नेहा कक्करने आज आपल्या चाहत्यांना गुड न्यूज देत आश्चर्याचा धक्काच दिला. नेहा कक्करने पती रोहनप्रीत सिंगसोबतचा एक फोटो सोशल मीडियाला शेअर केला असून कुटुंबात नवीन पाहुणा येणार असल्याची बातमी दिली आहे. इन्स्टाग्रामला शेअर करण्यात आलेल्या या फोटोत नेहा कक्करच्या पतीने काळजी घेत सांगत #KhayalRakhyaKar हॅशटॅग वापरला आहे. नेहा कक्करने आपण प्रेग्नंट असल्याची बातमी देताच सेलिब्रेटींकडून शुभेच्छांचा वर्षाव सुरु झाला.तर दुसरीकडे नेहा कक्करच्या लग्नाला दोन महिनेच झाले असताना लगेच ती आई झाल्याने आश्चर्य व्यक्त होऊ लागलं. नेहा रोहनप्रीतपेक्षा वयाने सात वर्ष मोठी असून एका गाण्याच्या 'नेहू दा व्याह' गाण्याच्या शूटिंगवेळी त्यांची भेट झाली होती. नेहा कक्करच्या प्रेग्नंसीची बातमी जाहीर होताच चाहत्यांनीही सोशल मीडियावर #KhayalRakhyaKar हॅशटॅग ट्रेंड करण्यास सुरुवात केली. दरम्यान यावेळी मीम्सही मोठ्या प्रमाणात व्हायरल झाले.विशेष म्हणजे नेहाच्या प्रेग्नंसीवर मीम्स करताना अनेकांनी भारतीय संघाचा अष्टपैलू खेळाडू हार्दिक पंड्यालाही ट्रोल केलं आहे. हार्दीक पंड्याने जानेवारी महिन्यात आपल्या साखरपुड्याची घोषणा केली होती. हार्दिक पांड्या याने १ जानेवारी २०२० ला आपली प्रेयसी नताशा स्टॅन्कोविच हिच्याशी साखरपुडा केला. मे महिन्यात हार्दिकने इन्स्टाग्रामवर फोटो पोस्ट करत घरी नवीन पाहुणा येणार असल्याची बातमी दिली होती. हार्दिकने घरच्या घरी लग्न केल्याचाही फोटो शेअर केला होता, पण त्याबद्दल त्याने माहिती दिली नसल्याने या दोघांनी गुपचूप लग्न उरकल्याची चर्चा होती.जुलै महिन्यातच त्यांच्या घऱी बाळाचं आगमन झालं.यामुळे सोशल मीडियावर नेहा कक्करने गुड न्यूज दिली आणि हार्दिक पंड्या ट्रोल अशी स्थिती झाली होती.या भन्नाट मीम्सनी ट्विटरला धुमाकूळ घातला आहे. मीम्समध्ये अनेकांनी चित्रपटांमधील डायलॉग वापरले होते. सोशल मीडियावरही हे मीम्स चांगलेच व्हायरल झाले आहेत.असंच एक भन्नाट मीम